Túrkistan-Shardara. Shardaralyq «nurotandyqtar» sailaý naýqanyn qarqyndy ótkizýde. Bul oraida kandidattar halyqpen kezdesýler uiymdastyryp, úgit jumystaryn belsendi túrde júrgizýde.
Taiaýda «Nur Otan» partiiasynan aýdandyq máslihatqa kandidattar aýdan ortalyǵynda turǵyndarmen keń kólemdi kezdesý ótkizdi. Jiynda turǵyn úi sharýashylyq máseleleri talqylanatyn bolǵandyqtan, jiynǵa qatysýshylardyń qarasy qalyń boldy.
– Memleket belsendi túrde árbir otbasy úshin turǵyn úidiń qoljetimdi bolýyn qoldaidy. Aýdanda 1249 adam turǵyn úi kezeginde tur. Shardara qalasynda 2 kópqabatty turǵyn úidiń qurylysy júrgizilýde.
2025 jyly bir adamǵa shaqqanda turǵyn úimen qamtamasyz etý deńgeiin 23-ten 28 sharshy metrge jetkizemiz.
Bul úshin «Nur Otan» partiiasy «Nurly jer» memlekettik baǵdarlamasy sheńberinde:
- 2021 jyly Shardara qalasynda 40 páterlik 6 turǵyn úi (14,0 myń sh.m.) qurylysyna;
- 2022 jyly Shardara qalasy 4 móltekaýdanynda 6 turǵyn úi (14,0 myń sh.m.) qurylysyna;
- 2023 jyly Shardara qalasy 4 móltekaýdanynda 8 turǵyn úi (19,4 myń sh.m.) qurylysyna;
- 2021-2025 jyldar aralyǵynda jeke turǵyndar qarjysy esebinen Shardara aýdanynyń shyǵys jáne batys aimaǵynda 80 ga egjei-tegjeili josparlaý jobasy boiynsha 382 ýchaskesinde jeke turǵyn úi qurylysyn júrgizýge;
- «Aýyl El besigi», «Óńirlerdi damytý» baǵdarlamalary aiasynda Shardara qalasy men 10 aýyldyq okrýgterdiń sáýlettik kelbetin jaqsartý maqsatynda kórkeitý jáne abattandyrý jumystaryn jyl saiyn júrgizýge yqpal etedi. Nátijesinde 2025 jyly qoljetimdi turǵyn úimen 1 182 otbasy qamtamasyz etiledi, - deidi kandidattar.
Aita keterligi, taiaýda aýdan ortalyǵynda Ál-Farabi kóshesiniń boiynan turǵyzylyp jatqan 4 qabatty 40 páterli turǵyn úi ǵimaratynyń qurylysy aiaqtalyp, paidalanýǵa berildi. Jańa páterler turǵyndarǵa negizinen 5 sanat boiynsha – I-II top múgedekterine, tul jetimderge, kóp balaly otbasylaryna, az qamtamasyz etilgen otbasylarǵa jáne biýdjettik mekeme qyzmetkerlerine berildi. Ystyq-sýyq sýy toqtaýsyz aǵyp turǵan jaily páterler negizinen 2 jáne 3 bólmeli.
Aýdan ortalyǵynda taǵy da osyndai 40 páterli turǵyn úi paidalanýǵa beriledi dep kútilýde.
«Nur Otan» partiiasy Shardara aýdandyq filialy sailaýaldy shtabynyń qorynan tólendi.
