Áielin soqqyǵa jyqqany úshin basy daýǵa qalǵan “Melomen” tobynyń ánshisi Ǵabit Bibasyuly daýly videoǵa qatysty pikir bildirdi.
Aita keteiik, óner iesiniń burynǵy jubaiy kópshilikke "soqqy alǵan" kezinen beinejazbany kórsetken edi.
"Tarap jatqan videoǵa qatysty aitaiyn. Men úsh bala tárbielep otyrǵan adammyn. Áielimmen eki jyl buryn ajyrasyp ketkenbiz. Burynǵy kelinshegim video salypty. Sol jaiynda aita keteiin. Eshqandai qospasyz, boiaýsyz, jigitshe bar shyndyqty aitamyn. Men ózim zorlyq-zombylyqqa qarsymyn. Oǵan búkil álem qarsy. Meni tiran dep aiyptap jatyr eken. Negizi men ózimdi ajyrastym dep aitýǵa uialyp júrgen adammyn", – dep bastady áńgimesin ánshi.
Sondai-aq, áieliniń murnyn qan-josa etip qanatpaǵanyn, ádeii istemegenin aityp aqtaldy.
"Sol video túsirilgen kún týraly aitaiyn. Burynǵy kelinshegim qasymda boldy. Men kólik júrgizip kele jatyrmyn. Kólikte ekeýmiz ǵana boldyq. Aramyzda kelispeýshilik bolyp, ol aiqaiǵa saldy. Men barynsha bul janjaldy toqtatýǵa tyrystym. Men ony urǵan joqpyn. Qolymmen "qoishy boldy" degende qolym murnyna tiip ketti. Judyryqpen emes. Men ony ádeii istegen joqpyn. Er adam bolǵan soń, ashýǵa boi aldyrdym. Kúndizgi ýaqyt edi. Men meshitke kirip ketken kezde ol video túsirip alypty. Sol beinejazbany sonshama ýaqyt boiy ne úshin saqtaǵanyn túsinbedim. Ol úsh jarym jyl burynǵy oqiǵa edi. Sol kezde baldyzymnan uiat boldy. Odan keshirim suradym. Kelinshegim ekeýmiz de birneshe kúnnen soń tatýlasyp, jaqsy ómirimizdi súrip jatqan edik. Sen aryń taza, maǵan adal kelinshek boldyń. Biraq myna isiń uiat boldy", – dedi ánshi.
