ەيەلٸن سوققىعا جىققانى ٷشٸن باسى داۋعا قالعان “مەلومەن” توبىنىڭ ەنشٸسٸ عابيت بيباسىۇلى داۋلى ۆيدەوعا قاتىستى پٸكٸر بٸلدٸردٸ.
ايتا كەتەيٸك, ٶنەر يەسٸنٸڭ بۇرىنعى جۇبايى كٶپشٸلٸككە "سوققى العان" كەزٸنەن بەينەجازبانى كٶرسەتكەن ەدٸ.
"تاراپ جاتقان ۆيدەوعا قاتىستى ايتايىن. مەن ٷش بالا تەربيەلەپ وتىرعان اداممىن. ەيەلٸممەن ەكٸ جىل بۇرىن اجىراسىپ كەتكەنبٸز. بۇرىنعى كەلٸنشەگٸم ۆيدەو سالىپتى. سول جايىندا ايتا كەتەيٸن. ەشقانداي قوسپاسىز, بوياۋسىز, جٸگٸتشە بار شىندىقتى ايتامىن. مەن ٶزٸم زورلىق-زومبىلىققا قارسىمىن. وعان بٷكٸل ەلەم قارسى. مەنٸ تيران دەپ ايىپتاپ جاتىر ەكەن. نەگٸزٸ مەن ٶزٸمدٸ اجىراستىم دەپ ايتۋعا ۇيالىپ جٷرگەن اداممىن", – دەپ باستادى ەڭگٸمەسٸن ەنشٸ.
سونداي-اق, ەيەلٸنٸڭ مۇرنىن قان-جوسا ەتٸپ قاناتپاعانىن, ەدەيٸ ٸستەمەگەنٸن ايتىپ اقتالدى.
"سول ۆيدەو تٷسٸرٸلگەن كٷن تۋرالى ايتايىن. بۇرىنعى كەلٸنشەگٸم قاسىمدا بولدى. مەن كٶلٸك جٷرگٸزٸپ كەلە جاتىرمىن. كٶلٸكتە ەكەۋمٸز عانا بولدىق. ارامىزدا كەلٸسپەۋشٸلٸك بولىپ, ول ايقايعا سالدى. مەن بارىنشا بۇل جانجالدى توقتاتۋعا تىرىستىم. مەن ونى ۇرعان جوقپىن. قولىممەن "قويشى بولدى" دەگەندە قولىم مۇرنىنا تيٸپ كەتتٸ. جۇدىرىقپەن ەمەس. مەن ونى ەدەيٸ ٸستەگەن جوقپىن. ەر ادام بولعان سوڭ, اشۋعا بوي الدىردىم. كٷندٸزگٸ ۋاقىت ەدٸ. مەن مەشٸتكە كٸرٸپ كەتكەن كەزدە ول ۆيدەو تٷسٸرٸپ الىپتى. سول بەينەجازبانى سونشاما ۋاقىت بويى نە ٷشٸن ساقتاعانىن تٷسٸنبەدٸم. ول ٷش جارىم جىل بۇرىنعى وقيعا ەدٸ. سول كەزدە بالدىزىمنان ۇيات بولدى. ودان كەشٸرٸم سۇرادىم. كەلٸنشەگٸم ەكەۋمٸز دە بٸرنەشە كٷننەن سوڭ تاتۋلاسىپ, جاقسى ٶمٸرٸمٸزدٸ سٷرٸپ جاتقان ەدٸك. سەن ارىڭ تازا, ماعان ادال كەلٸنشەك بولدىڭ. بٸراق مىنا ٸسٸڭ ۇيات بولدى", – دەدٸ ەنشٸ.
