QR Densaýlyq saqtaý vitse-ministri Liýdmila Biýrabekova Qostanai oblysyndaǵy «Qara búrkit» koloniiasy (ÝK-161/3 mekemesi) qyzmetkerleriniń koronavirýs juqtyrýyna qatysty pikir bildirdi, dep habarlaidy QazAqparat.
«Osy koloniianyń 19 qyzmetkerinen infektsiia anyqtaldy. Olardyń barlyǵy oqshaýlandy. Koloniianyń janynda arnaiy ǵimarat bar, sol jerge provizorlyq oryndar jasaqtaldy», - dedi L. Biýrabekova onlain tártipte ótken baspasóz máslihatynda.
Onyń sózine qaraǵanda, aýrý anyqtalǵan adamdar koloniia aýmaǵyna kirmegen.
«Sottalǵandarmen bailanysta bolmaǵan. Eger de osyndai jaǵdai oryn alyp, sottalǵandarda indet anyqtalsa, onda olar emdeý hattamasyna sáikes em-dom qabyldaityn bolady. Koloniia ishinde provizorlyq oryndar daiyndalady», - dedi vitse-ministr.
Budan buryn birqatar BAQ Qostanai oblysynda «Qara búrkit» koloniiasynyń 19 qyzmetkeri koronavirýs juqtyrǵandyǵy habarlanǵan edi.
