Ulttyq bank tóraǵasynyń orynbasary Vitalii Týtýshkin ishki naryqty qolma-qol shetel valiýtasymen qamtamasyz etý sharalaryn aityp berdi, dep habarlaidy QazAqparat.
«Qolma-qol shetel valiýtasyna qatysty ishki naryqtaǵy jaǵdai qalypqa keltirildi. Halyqtyń suranysyn qanaǵattandyrý úshin qolma-qol shetel valiýtalary jetkizildi. Ekinshi deńgeili bankterde ótimdi valiýtalyq aktivter kólemi jetkilikti», - dedi Týtýshkin Májilistiń jalpy otyrysynda.
Onyń aitýynsha, Ulttyq bank qolma-qol shetel valiýtasy naryǵynda alypsatarlyq áreketterdi boldyrmaý úshin aiyrbas pýnkteri arqyly shetel valiýtasyn satyp alý baǵamynyń satý baǵamynan aýytqý shekterin keńeitti.
«Memleket basshysynyń ulttyq valiýtanyń ornyqtylyǵyn qamtamasyz etý, kapitaldy áketýge jol bermeý tapsyrmasyn oryndaý úshin transshekaralyq qarjy operatsiialaryn baqylaý sharalary kúsheitildi. Qabyldanǵan sharalarǵa bailanysty, ishki valiýta naryǵyndaǵy jaǵdai turaqtalyp keledi. Qazirgi ýaqytta jaǵdai suranys pen usynystyń teńgerimde ekenin kórsetedi. Sharalar kesheni aiyrbas baǵamyna jáne keiinnen infliatsiiaǵa qysymdy tómendetip, teńgedegi aktivterdi qoldaýǵa kómektesedi», - dedi Vitalii Týtýshkin.
