ۇلتتىق بانك تٶراعاسىنىڭ ورىنباسارى ۆيتاليي تۋتۋشكين ٸشكٸ نارىقتى قولما-قول شەتەل ۆاليۋتاسىمەن قامتاماسىز ەتۋ شارالارىن ايتىپ بەردٸ, دەپ حابارلايدى قازاقپارات.
«قولما-قول شەتەل ۆاليۋتاسىنا قاتىستى ٸشكٸ نارىقتاعى جاعداي قالىپقا كەلتٸرٸلدٸ. حالىقتىڭ سۇرانىسىن قاناعاتتاندىرۋ ٷشٸن قولما-قول شەتەل ۆاليۋتالارى جەتكٸزٸلدٸ. ەكٸنشٸ دەڭگەيلٸ بانكتەردە ٶتٸمدٸ ۆاليۋتالىق اكتيۆتەر كٶلەمٸ جەتكٸلٸكتٸ», - دەدٸ تۋتۋشكين مەجٸلٸستٸڭ جالپى وتىرىسىندا.
ونىڭ ايتۋىنشا, ۇلتتىق بانك قولما-قول شەتەل ۆاليۋتاسى نارىعىندا الىپساتارلىق ەرەكەتتەردٸ بولدىرماۋ ٷشٸن ايىرباس پۋنكتەرٸ ارقىلى شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرٸن كەڭەيتتٸ.
«مەملەكەت باسشىسىنىڭ ۇلتتىق ۆاليۋتانىڭ ورنىقتىلىعىن قامتاماسىز ەتۋ, كاپيتالدى ەكەتۋگە جول بەرمەۋ تاپسىرماسىن ورىنداۋ ٷشٸن ترانسشەكارالىق قارجى وپەراتسييالارىن باقىلاۋ شارالارى كٷشەيتٸلدٸ. قابىلدانعان شارالارعا بايلانىستى, ٸشكٸ ۆاليۋتا نارىعىنداعى جاعداي تۇراقتالىپ كەلەدٸ. قازٸرگٸ ۋاقىتتا جاعداي سۇرانىس پەن ۇسىنىستىڭ تەڭگەرٸمدە ەكەنٸن كٶرسەتەدٸ. شارالار كەشەنٸ ايىرباس باعامىنا جەنە كەيٸننەن ينفلياتسيياعا قىسىمدى تٶمەندەتٸپ, تەڭگەدەگٸ اكتيۆتەردٸ قولداۋعا كٶمەكتەسەدٸ», - دەدٸ ۆيتاليي تۋتۋشكين.
