Bilim jáne ǵylym ministrligi alǵash ret qatysýǵa niet bildirgen stýdentter men baǵdarlamashylar arasynda «BILIM Hackathon 2022» It baiqaýyn ótkizedi, dep habarlaidy "Ult aqparat" vedomostvonyń baspasóz qyzmetine silteme jasap.
Jeńimpazdar 1,5 million teńge alady. Ekinshi orynnyń júlde qory 1 000 000 teńgeni, úshinshi oryn úshin 500 000 teńgeni quraidy. Jeńimpazdar, iaǵni stýdentter marapattardan bólek, jumysqa ornalasý múmkindigine ie bolady.
IT saiys 26-27 naýryzda Astana IT University bazasynda oflain formatta ótedi.
Bul baiqaý bilim men ǵylym salasynda jańa IT jobalardy jasaýǵa bastamashylyq etý, sondai-aq qazirgi jáne bolashaq IT mamandardy yntalandyrý maqsatynda ótkiziledi.
«Elimizde túrli IT jobalardy ázirleitin daryndy jastar kóp. Olardy baiqaýǵa qatysýǵa shaqyramyz. Saiysqa ýniversitet jáne kolledj stýdentteri, odan bólek, basqa da baǵdarlamashylar qatysa alady. Ár oqý ornynan bir komandaǵa qatysýǵa ruqsat etiledi. Hakatonǵa qatysý úshin ótinimderdi monhackathon@gmail.com elektrondy poshtasyna jiberýge bolady. Ótinimge komandanyń ataýyn, qatysýshylardyń aty-jónin jáne uiymnyń ataýyn kórsetý qajet», - dep atap ótti Bilim jáne ǵylym vitse-ministri Aibat Iliiasov.
Saiysqa qatysýshylarǵa túrli tapsyrmalar beriledi. Mysaly erkin taqyrypta jáne berilgen taqyrypqa qatysty bilim berý salasyndaǵy tsifrlyq sheshimder boiynsha joba daiyndaý.
Aita keteiik, qazylar alqasynyń quramyna belgili IT-kompaniialardyń ókilderi kiredi.
