«Azamattarǵa arnalǵan úkimet «Memlekettik korporatsiiasy» kommertsiialyq emes aktsionerlik qoǵamynyń qyzmetkerleri avtokólikti tirkeý týraly kýálik pen memlekettik nómirdi úige deiin jetkizip beretin bolady, dep habarlaidy "Ult aqparat".
Qazaqstandyqtar kólik quralyn tirkeý týraly kýálikti jáne memlekettik nómirdi úige deiin jetkizý qyzmetin eGov.kz portalynda rásimdei alady. Bul úshin qajetti derekterdi, turǵylyqty mekenjaidy kórsetip, qyzmet aqysyn tóleý jetkilikti. Osydan keiin «Azamattarǵa arnalǵan úkimet «Memlekettik korporatsiiasy» KEAQ qyzmetkeri memlekettik nómir men kýálikti úige ákeledi.
«Ulttyq aqparattyq tehnologiialar» AQ Basqarma tóraǵasy Áset Turysovtyń aitýynsha, buǵan deiin qazaqstandyqtarǵa atalmysh qyzmetterdi alý úshin kem degende eki ret mamandandyrylǵan HQO-ǵa barý qajet bolǵan.
Qyzmetti rásimdeý úshin: «Elektrondyq úkimet» portalyna kirip, «Kólik jáne kommýnikatsiialar» aidaryndaǵy «Avtomobil kóligi» bólimshesin tańdaimyz. Odan ári «MTNB jáne KQTK-ny úige jetkizý» qyzmetine basyp, avtorizatsiiadan ótip, tapsyrys berý qajet. Sonymen qatar, mamandandyrylǵan HQO ataýy men tolyq mekenjaiyn kórsete otyryp, barlyq mindetti joldardy toltyrý kerek. Osydan keiin qyzmetke aqy tóleý jáne ETsQ kómegimen ne bolmasa birrettik sms-parol arqyly suraý salýǵa qol qoiý qajet (mobildi azamattar bazasynda mindetti túrde tirkelý qajet).
Qyzmet Jeke tulǵalarǵa qoljetimdi. Qyzmet kórsetý merzimi – 1 jumys kúni.
