"Azamattarǵa arnalǵan úkimet" memlekettik korporatsiiasynyń basqarýshy direktory Baqtiiar Qojaxmetov kólikti onlain tirkeý týraly aityp berdi, dep xabarlaidy QazAqparat tilshisi.
"Jaqynda biz avtokólikterdi onlain rejimde tirkeý qyzmetin iske qostyq. Ony egov portaly arqyly alýǵa bolady. Endi, arnaiy xalyqqa qyzmet kórsetý ortalyǵyna barýdyń qajeti joq. Oǵan qosa, ishki ister ministrligi el ishinde júrgen kólikterdiń agregattaryn tekserý sharasyn alyp tastaǵan bolatyn. Qazir kólikti satyp alý kelisimshartyn elektrondy úkimet portalynda jasai salýǵa bolady. Osydan keiin "Qazposhtanyń" qyzmetkeri memlekettik tirkeý nómiri men texnikalyq tólqujatty úiińizge jetkizip beredi", - dedi B. Qojaxmetov NurOtan Trends alańynda.
Onyń aitýynsha, búginde kólik júrgizýshi kýáligin de jyldam alýǵa bolady. Ol úshin arnaiy xalyqqa qyzmet kórsetý ortalyǵyna barýdyń qajeti joq.
Aita keteiik, búgingi pikirtalas alańynda "Nur Otan" partiiasy Tóraǵasynyń birinshi orynbasary Máýlen Áshimbaev geoaqparattyq júie týraly aitty. Atalǵan portalda bos jer telimderi týraly tolyq aqparat jariialanady. "Ákimdikter arqyly jalǵa beriletin, ia bolmasa, satylatyn jerler bolsa, barlyǵy aqparattyq júiede kórsetilýi shart. Ashyǵyn aitý kerek, dál osy salada jemqorlyq kóp. Óitkeni aqparat ashyq túrde jariialanbaidy. Jer telimderi týraly aqparattyń bári jabyq. Sondyqtan jańa portal arqyly jer telimderi týraly tolyq aqparat jariialaimyz degen oiymyz bar. Aýktsiondar, kommýnikatsiialar, jerdiń baǵasy - bári-bári jańa júieniń ishinde bolady", - dep atap kórsetti M.Áshimbaev.
