Qazaqstandyqtar kólikterin mamandandyrylǵan HQO-larda saqtandyra alady, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
Maýsym aiynda Nur-Sultan, Almaty jáne Shymkent qalalarynda «Azamattarǵa arnalǵan úkimet» memlekettik korporatsiiasyndakólik ielerin saqtandyrý qyzmetterin kórsetý boiynsha pilottyq joba iske qosyldy. Kólikti qaita tirkeýdi resimdei otyryp, klient sol jerde saqtandyrý polisin satyp ala alady. Endi basqa qyzmet kórsetý terezelerine kezekke turýdyń nemese «deldaldardan» saqtandyrý polisin resimdeýdiń qajeti joq.
Jańa qyzmet týraly Ortalyq kommýnikatsiialar qyzmetiniń brifinginde «Azamattarǵa arnalǵan úkimet» korporatsiiasy basqarma tóraǵasynyń birinshi orynbasary Súienish Ábdildin baiandap berdi.
«Mamandandyrylǵan HQO operatorlarymen kólik ielerin saqtandyrý qyzmeti ádette mamandandyrylǵan HQO-lardaklientterge óz múddesi úshin qyzmetterin usynatyn «kómekshilerge» klientterdiń shaǵymdarymen bailanysty mindetterdi sheshýge kómektesedi. Eger pilottyq joba sátti iske asyrylatyn bolsa, biz elimizdiń basqa mamandandyrylǵan HQO-larynda da saqtandyrý qyzmetin engizemiz», – dedi Memlekettik korporatsiia tóraǵasynyń birinshi orynbasary Súienish Ábdildin.
Klientterge kólikti qaita tirkegennen keiin aqparattyq júieleri bir-birimen yqpaldastyrylǵan saqtandyrý uiymyn tańdaý usynylady. Qazir «Evraziia» saqtandyrý kompaniiasymen kelisim júzege asyrylǵan. Pilottyq joba iske qosylǵan sátten bastap 300-den astam azamattyq-quqyqtyq jaýapkershilik sharty jasaldy.
