Almaty oblysynda orta mektep oqýshysy jolda ótip bara jatqan kólikterdiń aldyna sekirip oinaǵan. Onyń "ekstremal" áreketi túsirilgen video áleýmettik jelide paida boldy.
Almaty oblysy Politsiia departamenti balanyń jeke basy anyqtalǵanyn habarlady. Ol Kaztsik aýylyndaǵy №6 mekteptiń oqýshysy bolyp shyqty.
"2010 jyly týǵan kámeletke tolmaǵan balamen profilaktikalyq áńgime júrgizildi. Kámeletke tolmaǵan balanyń ata-anasyna QR ÁQBTk-niń 127-baby "Tárbie jáne oqytý jónindegi mindetterdi oryndamaý" boiynsha ákimshilik hattama toltyryldy. Kámelettik jasqa tolmaǵandardyń quqyqtary men múddelerin qorǵańyzdar", - deidi politsiia ókilderi.
Tártip saqshylary ár ata-ana balasynyń tárbiesine jaýapty bolýǵa, onyń ishinde jolda júrý erejelerin úiretýge mindetti ekenin atap ótti.
