Kóliktegi bas sanitar dáriger Janar Orazalina sý kóligi obektilerinde karantindi kúsheitý týraly jańa qaýlyǵa qol qoidy.
Qujatqa sáikes, "qyzyl" aimaqtaǵy teńizde, ózende, kólde oiyn-saýyq jáne serýendeý-ekskýrsiialyq is-sharalar salasynda qoldanylatyn sý kóligin (kater, qaiyq, teplohod, parom, keme, katamaran, sý mototsikli jáne taǵy basqalar) paidalanýǵa tyiym salynady.
Qaýly qol qoiylǵan kúninen bastap kúshine endi.
Eske sala keteiik, qazirgi ýaqytta "qyzyl" aimaqta Nur-Sultan, Almaty, Shymkent qalalary, Almaty, Aqmola, Aqtóbe, Atyraý, Batys Qazaqstan, Qaraǵandy, Qostanai, Qyzylorda, Mańǵystaý, Pavlodar jáne Soltústik Qazaqstan oblystary ornalasqan.
