Elimizde kólik tizgininde otyryp uialy telefon qoldanǵandar ákimshilik jaýapkershilikke tartylady. Erejege baǵynbaǵan júrgizýshi 18 000 teńge kóleminde aiyppul tóleidi, dep habarlaidy 31-arnanyń "Informbiýro" baǵdarlamasyna silteme jasaǵan "Ult aqparat".
Mundai jaǵdai bir jyl ishinde taǵy qaitalansa salynatyn salym mólsheri 40 myńǵa jýyqtaidy. Degenmen rólde otyrǵan azamatqa qulaqqap kiiýge tyiym salynbaidy.
Ishki ister ministrligi jol erejesin saqtamaǵan jaiaý júrginshiniń de jaza arqalaitynyn eskertken. Endi joldy kez kelgen jerden qiyp ótkender jeti myń teńgeden 37 myń teńgege deiin aiyppul tóleidi. Al erejeni taǵy buzsa, soma eki esege ósedi nemese úsh táýlikke qamaýǵa alynady.
Eske salaiyq, buǵan deiin ishki ister ministrligi elimizde kópqabatty úidiń aýlasynda kólik jýýǵa jáne jóndeýge bolmaitynyn eskertken edi.
