Azamattardan ótinishterdiń kóptep túsýine bailanysty Memlekettik kirister komiteti kólik quraldary salyǵyn qalai ońai esepteýge bolatynyn eske saldy, dep habarlaidy "Ult aqparat" QR Qarjy ministrligi Memlekettik kirister komitetiniń baspasóz qyzmetine silteme jasap.
Ol úshin Komitettiń www.kgd.gov.kz portalyndaǵy kalkýliatordy ashyp, onda salyq kezeńin, kólik quralynyń túrin jáne qozǵaltqysh kólemin kórsetse boldy. Elektrondy servis tiisti salyqty ózi eseptep beredi.
Kalkýliator portaldyń negizgi ekranyndaǵy «Elektrondy servister» bóliminde ornalasqandyqtan, ony jyldam tabýǵa bolady.
«Biylǵy jyldan bastap engizilgen ózgeristerge sáikes, jeke tulǵalardyń 2020 jylǵa arnalǵan kólik salyǵyn 2021 jyldyń 1 sáýirinen keshiktirmei tóleý kerek», -dep habarlaidy Komitettiń baspasóz qyzmeti.
Osyǵan orai, ósimpuldardy esepteý algoritmi de qaita qaralǵan.
Eske sala keteiik, osyǵan deiin Memlekettik kirister komiteti 2020 jylǵy 31 jeltoqsanda jeke tulǵalarǵa múlik, jer jáne kólik salyqtary boiynsha salyqtyq raqymshylyq aiaqtalǵanyn habarlap, osy múmkindikti elimizdiń 1 mln.-nan astam azamaty qoldanǵanyn jáne olardyń 2 mlrd. teńge somasyndaǵy salyqqa qaryzdary keshirilgenin jetkizgen bolatyn.
