Memlekettik kirister komiteti 2021 jylǵa jeke tulǵalardyń kólik quraldaryna salynatyn salyqty 2022 jylǵy sáýirdiń birinen keshiktirmei tóleý kerek ekendigin eske salady, dep habarlaidy QazAqparat.
Kólik quraldaryna salynatyn salyqtyń somasyn kgd.gov.kz web-portalynda jáne «e-Salyq Azamat» mobildi qosymshasynda ornalystyrylǵan salyq kalkýliatorynyń kómegimen derbes esepteýge bolady.
Sonymen birge, 2022 jyldyń 15 naýryzynan keiin salyq organdary eseptelgen kólik quraldaryna salynatyn salyq somasy «Kaspii bank» AQ jáne «Halyq bank» AQ mobildi qosymshalaryn paidalanýshylarǵa PUSH-habarlama túrinde jiberiletin bolady.
Budan basqa, bul aqparat kgd.gov.kz web-portalda «Jeke tulǵalar úshin aldaǵy tólemder» servisinde, sondai-aq «e-Salyq Azamat» jáne ekinshi deńgeidegi bankter «Kaspii bank» AQ jáne «Halyq bank» AQ qosymshalarynda jariialanady.
