Salyq organdarynyń ókilderi kólik salyǵynyń mólsheri qandai ólshemder boiynsha esepteletinin túsindirdi, dep habarlaidy "Ult aqparat".
Ortalyq kommýnikatsiialar qyzmetinde ótken brifingide Memlekettik kirister komitetiniń óndiristik emes tólemderdi, jeke tulǵalardy ákimshilendirý jáne arnaiy salyq rejimi departamentiniń direktory Azamat Sadyqov biyl kólik salyǵyn tóleýdegi basty erekshelikter týraly aqparat berdi. Onyń aitýynsha, kólik salyǵyna qatysty operatsiialardyń bári túgeldei tsirflyq júiege kóshirilgen. Iaǵni, e-Salyq Azamat qosymshasy arqyly barlyǵyn úide otyryp-aq tyndyrýǵa múmkindik bar.
«Biyl memlekettik kirister komiteti birinshi ret kólik salyǵynyń kútiletin tólemderin e-Salyq Azamat mobildy qosymshasyna baǵyttaidy. Iaǵni, búkil protsess tsifrlandyrylǵan. Kólik quraldarynyń 2020 jylǵy salyǵyn tóleý merzimi 2021 jyldyń 1 cáýirinde bitetinin eske salamyz. Bul jolǵy tólemderdi esepteý kezinde Ákimshilik politsiianyń aqparattary eskerilgenin aita ketý kerek», - degen komitet ókili jyldaǵydai satylyp ketken kóliktiń salyǵyn burynǵy iesiniń moinyna jazý siiaqty keleńsizdikter bolmaidy dep sendirdi.
«Memlekettik kirister komiteti men IIM-niń Ákimshilik politsiia komiteti arasynda vedomstvolyq aqaprattyq júielerdiń birizdendirilýi júrip jatyr. Iaǵni, kólik salyǵy qazirgi ieliktegi kólikke ǵana salynady. Kólik basqa bireýdiń menshigine satylǵan nemese berilgen bolsa, calyq kólemi kólik quralynyń esepten shyǵarylǵan merzimine deiingi tólemi esepteledi», - deidi Azamat Sadyqov.
Ol. Sondai-aq, kólik salyǵynyń mólsheri qandai ólshemder boiynsha qalyptasatynyn túsindirdi.
«Jeńil avtomobilder úshin salyq mólsheri qozǵaltqyshtyń kólemine, al júk kólikteri úshin júk kóterý salmaǵyna, avtobýstar úshin otyratyn oryndar sanyna bailanysty. Mototsiklder úshin kólik salyǵy qozǵaltqyshtyń qýatyna bailanysty esepteledi», - dedi maman.
