Foto: Úkimet
Premer-ministr Oljas Bektenov Memleket basshysynyń Qaýipsizdik Keńesi otyrysynda bergen tapsyrmalaryn oryndaý boiynsha kólik, qarjy ministrlikteri basshylyǵynyń, «Samuryq-Qazyna» qorynyń, «Qazaqstan temir joly» ulttyq kompaniiasynyń, Ulttyq qaýipsizdik komiteti Shekara qyzmetiniń qatysýymen keńes ótkizdi, dep habarlaidy Ult.kz.
Prezident aitqan syndy eskere otyryp, negizgi infraqurylymdyq jobalardy júzege asyrý merzimderin qysqartý qaraldy. Qazaqstan aýmaǵynda ornalasqan ótkizý pýnktterin jańǵyrtý boiynsha kórshi eldermen ýaǵdalastyqtardy sapaly ári ýaqtyly iske asyrýǵa nazar aýdaryldy.
Elimizdiń naryǵyn qoljetimdi baǵadaǵy aviatsiialyq otynmen qamtamasyz etý úshin otandyq munai óńdeý zaýyttaryn jańǵyrtýdy jedeldetý týraly sheshim qabyldandy.
Premer-ministr «jasyl dálizderdi» uiymdastyrý jáne tiimdiligin arttyrý jónindegi jumystardyń nátijeleri azamattar men biznes úshin aiqyn bolýy tiis ekenin atap ótti. Tiisti organdarǵa tranzittik júkter úshin kedendik tekserýsiz tetikti engizý tapsyryldy. Syrtqy qazaqstandyq terminaldardy qalyptastyrý boiynsha jumystar júrgizilýde.
Prezidenttiń tapsyrmalaryn eskere otyryp temirjol (20,5%) jáne qubyr kóligimen (19,5%) júk tasymaldaý kóleminiń ulǵaiýy aiasynda kólik, qarjy ministrlikterine múddeli uiymdarmen birlesip bir apta merzimde saýda jáne tranzit aǵynyna áser etetin basym jobalardy qarjylandyrýdy qamtamasyz etý tapsyryldy.
Premer-ministrdiń birinshi orynbasary Roman Skliarǵa eki kún merzimde jergilikti jerlerdegi jumystardy baqylaý maqsatynda óńirlerge baryp, Memleket basshysynyń tapsyrmalaryn oryndaý jónindegi is-sharalardyń egjei-tegjeili josparyn daiyndaý tapsyryldy.
