فوتو: ٷكٸمەت
پرەمەر-مينيستر ولجاس بەكتەنوۆ مەملەكەت باسشىسىنىڭ قاۋٸپسٸزدٸك كەڭەسٸ وتىرىسىندا بەرگەن تاپسىرمالارىن ورىنداۋ بويىنشا كٶلٸك, قارجى مينيسترلٸكتەرٸ باسشىلىعىنىڭ, «سامۇرىق-قازىنا» قورىنىڭ, «قازاقستان تەمٸر جولى» ۇلتتىق كومپانيياسىنىڭ, ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ قاتىسۋىمەن كەڭەس ٶتكٸزدٸ, دەپ حابارلايدى Ult.kz.
پرەزيدەنت ايتقان سىندى ەسكەرە وتىرىپ, نەگٸزگٸ ينفراقۇرىلىمدىق جوبالاردى جٷزەگە اسىرۋ مەرزٸمدەرٸن قىسقارتۋ قارالدى. قازاقستان اۋماعىندا ورنالاسقان ٶتكٸزۋ پۋنكتتەرٸن جاڭعىرتۋ بويىنشا كٶرشٸ ەلدەرمەن ۋاعدالاستىقتاردى ساپالى ەرٸ ۋاقتىلى ٸسكە اسىرۋعا نازار اۋدارىلدى.
ەلٸمٸزدٸڭ نارىعىن قولجەتٸمدٸ باعاداعى اۆياتسييالىق وتىنمەن قامتاماسىز ەتۋ ٷشٸن وتاندىق مۇناي ٶڭدەۋ زاۋىتتارىن جاڭعىرتۋدى جەدەلدەتۋ تۋرالى شەشٸم قابىلداندى.
پرەمەر-مينيستر «جاسىل دەلٸزدەردٸ» ۇيىمداستىرۋ جەنە تيٸمدٸلٸگٸن ارتتىرۋ جٶنٸندەگٸ جۇمىستاردىڭ نەتيجەلەرٸ ازاماتتار مەن بيزنەس ٷشٸن ايقىن بولۋى تيٸس ەكەنٸن اتاپ ٶتتٸ. تيٸستٸ ورگاندارعا ترانزيتتٸك جٷكتەر ٷشٸن كەدەندٸك تەكسەرۋسٸز تەتٸكتٸ ەنگٸزۋ تاپسىرىلدى. سىرتقى قازاقستاندىق تەرمينالداردى قالىپتاستىرۋ بويىنشا جۇمىستار جٷرگٸزٸلۋدە.
پرەزيدەنتتٸڭ تاپسىرمالارىن ەسكەرە وتىرىپ تەمٸرجول (20,5%) جەنە قۇبىر كٶلٸگٸمەن (19,5%) جٷك تاسىمالداۋ كٶلەمٸنٸڭ ۇلعايۋى اياسىندا كٶلٸك, قارجى مينيسترلٸكتەرٸنە مٷددەلٸ ۇيىمدارمەن بٸرلەسٸپ بٸر اپتا مەرزٸمدە ساۋدا جەنە ترانزيت اعىنىنا ەسەر ەتەتٸن باسىم جوبالاردى قارجىلاندىرۋدى قامتاماسىز ەتۋ تاپسىرىلدى.
پرەمەر-مينيستردٸڭ بٸرٸنشٸ ورىنباسارى رومان سكليارعا ەكٸ كٷن مەرزٸمدە جەرگٸلٸكتٸ جەرلەردەگٸ جۇمىستاردى باقىلاۋ ماقساتىندا ٶڭٸرلەرگە بارىپ, مەملەكەت باسشىسىنىڭ تاپسىرمالارىن ورىنداۋ جٶنٸندەگٸ ٸس-شارالاردىڭ ەگجەي-تەگجەيلٸ جوسپارىن دايىنداۋ تاپسىرىلدى.
