Shymkentte úsh júrgizýshi birden 6 bap boiynsha jaýapkershilikke tartyldy, - dep habarlaidy Polisia.kz.
Shymkent qalasy PD qyzmetkerleri áleýmettik jelilerge baqylaý júrgizý barysynda megapolis kósheleriniń birinde Toyota Camry 70 avtokóliginiń júrgizýshileri jol qozǵalysy erejelerin óreskel buzyp, olardyń biri myltyqpen aýaǵa oq atqan videony anyqtady.
Bul jazba jergilikti politsiia qyzmetkerleri men jedel bólimsheler nazaryna ilikken. Nátijesinde barlyq quqyqbuzýshy ustaldy. Olar jergilikti turǵyndar bolyp shyqty.
Tártip saqshylary júrgizýshilerge qatysty QR ÁQBtK-niń úsh baby boiynsha ákimshilik hattama toltyrǵan: 203-bap "Saqtandyrýdy buzý", 602-bap "Kólik quraldary júrgizýshileriniń syrtqy jaryq aspaptary men dybystyq signaldardy paidalaný, avariialyq dabyldy qoldaný qaǵidalaryn buzýy" jáne 603-bap "Kólik quralyna arnaiy jaryq jáne dybystyq signaldardy berýge arnalǵan qurylǵylardy ornatý qaǵidalaryn buzý".
"Úsh Toyota Camry 70 kóligi aiypturaqqa qoiyldy. Jinaqtalǵan material ákimshilik sotqa jiberildi.
Politseiler júrgizýshilerdiń birinen PM tapanshasyn tárkiledi. Sondai-aq er adam buryn dúkennen tapansha satyp alǵany anyqtaldy, biraq ol politsiiaǵa tirkelmegen. Oǵan qatysty politseiler qosymsha birneshe ákimshilik quqyq buzýshylyqtar boiynsha, onyń ishinde QR ÁQBtK 436-baby, 437-baby "Tynyshtyqty buzý" jáne 482-baby "Jeke jáne zańdy tulǵalardyń qarýdy zańsyz satyp alýy, berýi, ótkizýi, saqtaýy, alyp júrýi, tasymaldaýy" boiynsha is júrgizdi", - delingen habarlamada.
