Júk kóliginiń buzylýy saldarynan shól dalada qalǵan 49 adam qaza tapty, dep habarlaidy ult.kz.
Qaiǵyly oqiǵa Afrikanyń soltústik-shyǵysyndaǵy shóldi aimaqta bolǵan. Jolaýshylar mingen júk kóligi jolda isten shyǵyp, adamdar birneshe kún boiy aptap ystyq pen sýsyzdyqtyń qursaýynda qalǵan. Sonyń saldarynan keminde 49 adam kóz jumdy.
Aldyn ala málimetter boiynsha, kólikte migranttar bolǵan. Olar shekaradan ótip, ózge elge jetýge árekettengen. Kólik buzylǵannan keiin jolaýshylarǵa der kezinde kómek kórsetilmegen. Qutqarýshylar oqiǵa ornyna jetken kezde ondaǵan adamnyń qaza tapqany anyqtalǵan.
Jergilikti bilik oqiǵanyń mán-jaiyn anyqtap jatyr. Birneshe adam aman qalǵanymen, olardyń kóbi qatty sýsyzdanyp, meditsinalyq kómekke muqtaj bolǵan.
Bul qaiǵyly jaǵdai shól arqyly zańsyz kóshi-qon baǵyttarynyń qanshalyqty qaýipti ekenin taǵy bir márte kórsetti.
