Nur-Sultan ákimi Altai Kólginov tańerteńgilik aralaý barysynda «Shyǵys» turǵyn úi keshenine jatatyn bloktarynyń qurylys barysymen tanysty, dep habarlaidy "Ult aqparat" ákimniń Instagram paraqshasyna silteme jasap.
«Tańerteńgilik aralaý barysynda «Shyǵys» turǵyn úi keshenine jatatyn 1a, 1v, 2a, 2v, 3a, 3b bloktarynyń qurylys jumystarynyń barysymen tanystym. Bul jerdegi barlyq bloktarda jumystar júrgizilip jatyr. Qurylys qarqyny men jumysshylar sanyn arttyrýdy tapsyrdym. Qazirgi qolaily aýa-raiyn barynsha paidalanyp, úilerdiń, shatyrlardyń qasbetimen ainalysý kerek. Sonymen birge injenerlik jelilerge ýaqtyly qosyp, abattandyrýmen ainalysý qajet. Nysandaǵy jumystardy kestege sáikes aiaqtaý mańyzdy. Óz tarapymyzdan barlyq kedergilerdi joiamyz, tiesili qarjy bólingen», – dep jazdy Altai Kólginov.
