Astanadaǵy eskirgen Ortalyq temirjol aýrýhanasynyń jańa ǵimaraty boi kóteredi. Bul týraly qala ákimi Altai Kólginov málimdedi, dep habarlaidy Sputnik Qazaqstan tilshisi.
"Densaýlyq saqtaý salasynda problemalar barshylyq. Qazir eń basty másele – 1959 jyly salynǵan Ortalyq temirjol aýrýhanasy bolyp tur. Aýrýhana ábden eskirgen, jabdyqtardyń 45 protsenti tozǵan. Korpýs apatty jaǵdaida", - dedi Kólginov astanany odan ári damytý jónindegi jiynda.
Ákim úkimettik deńgeide túrkiialyq investormen kezdesý ótkenin atap ótti. Aitýynsha, sheteldik investor óz aqshasyna jańa ǵimarat salýǵa niet bildirgen.
"Jer telimin anyqtadyq, saiajailardy súremiz. Kelesi jyly investorǵa aýmaqty daiyndap qoiamyz. Ol salýǵa daiyn. Bul bizge aýrýhanadaǵy 600 orynnyń máselesin sheshýge kómekteser edi", - dedi ol.
Sondai-aq, qala basshysy turǵyndardyń ómir súrý uzaqtyǵyna toqtaldy.
"2018 jyldyń qorytyndysy boiynsha ómir súrý uzaqtyǵy 76,2 jas. 1998 jylmen salystyrǵanda, on jylǵa artqan", - dedi Kólginov.
Budan bólek, úsh jyl ishinde negizgi kórsetkishter tómendegen, atap aitsaq, sábi ólim-jitimi, qaterli isikten bolatyn ólim-jitim azaiǵan7
