استاناداعى ەسكٸرگەن ورتالىق تەمٸرجول اۋرۋحاناسىنىڭ جاڭا عيماراتى بوي كٶتەرەدٸ. بۇل تۋرالى قالا ەكٸمٸ التاي كٶلگٸنوۆ مەلٸمدەدٸ, دەپ حابارلايدى Sputnik قازاقستان تٸلشٸسٸ.
"دەنساۋلىق ساقتاۋ سالاسىندا پروبلەمالار بارشىلىق. قازٸر ەڭ باستى مەسەلە – 1959 جىلى سالىنعان ورتالىق تەمٸرجول اۋرۋحاناسى بولىپ تۇر. اۋرۋحانا ەبدەن ەسكٸرگەن, جابدىقتاردىڭ 45 پروتسەنتٸ توزعان. كورپۋس اپاتتى جاعدايدا", - دەدٸ كٶلگٸنوۆ استانانى ودان ەرٸ دامىتۋ جٶنٸندەگٸ جيىندا.
ەكٸم ٷكٸمەتتٸك دەڭگەيدە تٷركييالىق ينۆەستورمەن كەزدەسۋ ٶتكەنٸن اتاپ ٶتتٸ. ايتۋىنشا, شەتەلدٸك ينۆەستور ٶز اقشاسىنا جاڭا عيمارات سالۋعا نيەت بٸلدٸرگەن.
"جەر تەلٸمٸن انىقتادىق, ساياجايلاردى سٷرەمٸز. كەلەسٸ جىلى ينۆەستورعا اۋماقتى دايىنداپ قويامىز. ول سالۋعا دايىن. بۇل بٸزگە اۋرۋحاناداعى 600 ورىننىڭ مەسەلەسٸن شەشۋگە كٶمەكتەسەر ەدٸ", - دەدٸ ول.
سونداي-اق, قالا باسشىسى تۇرعىنداردىڭ ٶمٸر سٷرۋ ۇزاقتىعىنا توقتالدى.
"2018 جىلدىڭ قورىتىندىسى بويىنشا ٶمٸر سٷرۋ ۇزاقتىعى 76,2 جاس. 1998 جىلمەن سالىستىرعاندا, ون جىلعا ارتقان", - دەدٸ كٶلگٸنوۆ.
بۇدان بٶلەك, ٷش جىل ٸشٸندە نەگٸزگٸ كٶرسەتكٸشتەر تٶمەندەگەن, اتاپ ايتساق, سەبي ٶلٸم-جٸتٸمٸ, قاتەرلٸ ٸسٸكتەن بولاتىن ٶلٸم-جٸتٸم ازايعان7
