Nur-Sultan Qalasynyń ákimi Altai Kólginov turǵyndarǵa úndeý joldady, dep habarlaidy "Ult aqparat".
«Qurmetti qala turǵyndary! Ózderińiz biletindei, koronavirýs tez tarap, aýyrǵan adamdardyń sany artyp keledi. Ókinishke qarai, adam shyǵyny da bar. Indet kesirinen qaza bolǵan kisiniń otbasyna kóńil aitamyz. Dárigerler qolynan kelgenniń bárin jasady. Bul oqiǵa infektsiianyń qanshalyqty qaýipti ekenin taǵy bir ret kórsetti. Birinshiden, ol aýrýhanany qazir karantinge japtyq, keibir dárigerler de karantinge jatty. Taǵy bir karantinge jabylǵan nysan – №1 avtobýs parki. Monitoring barysynda atalǵan mekemeniń jumysshysy virýs juqtyrǵany anyqtaldy. Qala turǵyndarynyń qaýipsizdigi úshin avtopark jumysshylary teskerýden ótedi. Mekeme aýmaǵyna jáne avtobýstarǵa dezinfektsiia jumystaryn júrgizdik. Biz bul qaýipti tártip pen qatań sharalarsyz eńsere almaimyz», - deidi elorda ákimi.
Ekinshiden, 30 naýryz ben 5 sáýir aralyǵynda qoǵamdyq kólik toqtaidy. Avtopark jumysshylarynyń densaýlyǵy tekseriledi.
«Baiqaǵanymyz, mereke kúnderinen keiin kóshedegi halyqtyń qarasy kóbeidi. Azamattardyń oqshaýlanýyn qamtamasyz etý maqsatynda memlekettik komissiianyń sheshimimen 30 naýryz ben 5 sáýir aralyǵy jumyssyz apta bolyp jariialandy. Meditsina, quqyq qorǵaý jáne qala ómirin qamtamasyz etetin kommýnaldyq sharýashylyq qyzmetkerleri jumysyn jalǵastyra beredi. Infektsiiamen kúrestiń aldyńǵy shebinde júrgenderdi tasymaldaý úshin kólik uiymdastyrýǵa kómektesemiz. Úshinshiden, azyq-túlik alýǵa, dárihanalarǵa barýǵa, meditsinalyq qyzmet alýǵa jáne ruqsat etilgenderge jumysqa barýǵa ǵana ruqsat etiledi. Basqanyń bári shekteledi, úiden shyǵýǵa bolmaidy. Bir aita ketetini, bul endi jai ǵana ótinish emes, árbir adam qatań saqtaýy tiis Tótenshe jaǵdaidyń tártibi. Endi qala kóshelerin patrýldik qyzmet qadaǵalaidy. Áldekimniń jaýapsyzdyǵy basqa adamdardyń ómirine qaýip bolmaýy tiis!», - dep eskertedi Altai Kólginov.
Onyń aitýynsha, 25 naýryzdan bastap zeinetkerlerdiń, dispanserlik esepte turǵan azamattardyń úilerine dári-dármek, qorǵanys quraldaryn jáne azyq-túlikti tasymaldaý jumysy júrgizilýde. Ótinish iKomek 109 qyzmeti arqyly qabyldanyp jatyr.
«Azyq-túlik dúkenderi jumys istei beredi. Kámelet jasyna tolmaǵan balalardyń úlken adamdarsyz kóshede júrýine tyiym salynady. 6 sáýirden bastap oqýshylardy onlain formatpen oqýǵa kóshiremiz. Saiabaqtar, skverler, jaǵalaýlar, kóshedegi balalar oinaityn alańdar, taǵy basqa qoǵamdyq oryndardyń barlyǵy jabyq. Qurmetti qala turǵyndary! Qoǵamdyq tártipti saqtaý – árqaisymyzdyń azamattyq paryzymyz! Temirdei tártipten basqa jol joq. Jaqyndaryńyzdyń jany qinalǵanyn kútpeńizder. Qazirden bastap qamdanǵan jón», - dep túiindedi sózin shahar basshysy.
