Soltústik Qazaqstan oblysy Mamliýt aýdanynda kólge qaiyǵymen shyqqan balyqshy iz-túzsiz joǵalyp, ony qutqarýshylar eki kúnen beri taba almai jatyr, dep habarlaidy "Ult aqparat".
SQO Tótenshe jaǵdailar departamenti ótkizgen brifingte vedomstvo basshysynyń orynbasary Igor Jýkov bolǵan oqiǵany aityp berdi.
«Oqys oqiǵa 31 qazan kúni boldy. 1963 jylǵy er adam 5 synypta oqityn
nemeresimen Mamliýt aýdanyndaǵy Chistoe kóline barǵan. Saǵat 19.00 shamasynda qaiyǵymen kólge shyqqan. Al saǵat 21.30 shamasynda jaqyn mańda júrgen balyqshylar onyń sý betinde bos qalqyp turǵan qaiyǵyn tapqan. Qaiyq aýdarylmaǵan. Olar birden bizge habar berdi», - deidi Igor Jýkov.
Erteńine, 1 qarasha kúni tań atysymen kólge súńgýirler tústi. Ázirge nátije joq.
«Izdeý aýmaǵy úlken. Qaiyq iesi qulap ketip, qaiyq tolqynmen qulaǵan jerden jyljyp ketýi múmkin. Biraq er adamnyń sýǵa qulaǵanyn eshkim kórmegen», - deidi departament basshysynyń orynbasary.
