سولتٷستٸك قازاقستان وبلىسى مامليۋت اۋدانىندا كٶلگە قايىعىمەن شىققان بالىقشى ٸز-تٷزسٸز جوعالىپ, ونى قۇتقارۋشىلار ەكٸ كٷنەن بەرٸ تابا الماي جاتىر, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸ ٶتكٸزگەن بريفينگتە ۆەدومستۆو باسشىسىنىڭ ورىنباسارى يگور جۋكوۆ بولعان وقيعانى ايتىپ بەردٸ.
«وقىس وقيعا 31 قازان كٷنٸ بولدى. 1963 جىلعى ەر ادام 5 سىنىپتا وقيتىن
نەمەرەسٸمەن مامليۋت اۋدانىنداعى چيستوە كٶلٸنە بارعان. ساعات 19.00 شاماسىندا قايىعىمەن كٶلگە شىققان. ال ساعات 21.30 شاماسىندا جاقىن ماڭدا جٷرگەن بالىقشىلار ونىڭ سۋ بەتٸندە بوس قالقىپ تۇرعان قايىعىن تاپقان. قايىق اۋدارىلماعان. ولار بٸردەن بٸزگە حابار بەردٸ», - دەيدٸ يگور جۋكوۆ.
ەرتەڭٸنە, 1 قاراشا كٷنٸ تاڭ اتىسىمەن كٶلگە سٷڭگۋٸرلەر تٷستٸ. ەزٸرگە نەتيجە جوق.
«ٸزدەۋ اۋماعى ٷلكەن. قايىق يەسٸ قۇلاپ كەتٸپ, قايىق تولقىنمەن قۇلاعان جەردەن جىلجىپ كەتۋٸ مٷمكٸن. بٸراق ەر ادامنىڭ سۋعا قۇلاعانىن ەشكٸم كٶرمەگەن», - دەيدٸ دەپارتامەنت باسشىسىنىڭ ورىنباسارى.
