Kóleńkedegi milliardtar: Almaty metro qurylysyndaǵy jymqyrý isi boiynsha 10 adam sottaldy

Sýret: inbusiness.kz

Almaly aýdandyq soty ońtústik astanadaǵy metro qurylysy kezinde 5 milliard teńgeden astam biýdjet qarajatyn jymqyrdy dep aiyptalǵan 10 adamǵa qatysty úkim shyǵardy.

Sot talqylaýy barysynda aiyptaý jaǵy sottalýshylardyń "Metropoliten" KMK, "Almatymetroqurylys" AQ, "Avtomattandyrý jáne tehnologiialar qyzmeti" JShS basshylary bola otyryp, adamdar tobymen, 2018 jyldyń maýsymynan 2020 jyldyń tamyzyna deiingi kezeńde "Saryarqa" jáne "Dostyq" stantsiialaryn salý barysynda qarjylyq alaiaqtyqpen, onyń ishinde jabdyqtyń qunyn arttyryp (is júzinde 10 ese), turaqty túrde iri kólemdegi aqshalardy jalǵan firmalar arqyly shyǵarǵanyn dáleldedi.

"Sottalǵandar memlekettik jáne qarjy uiymdarynda jumys isteý quqyǵynan aiyryla otyryp, ártúrli merzimge bas bostandyǵynan aiyryldy (negizgi figýranttar 7 jyldan 8 jylǵa deiin). Sonymen qatar, sot 1 mlrd teńgeden astam somaǵa tyiym salynǵan múlikti tárkileýdi qoldanyp, memleketke keltirilgen shyǵyndy óndirdi", - delingen Bas kólik prokýratýrasynyń habarynda.