كٶلەڭكەدەگٸ ميللياردتار: الماتى مەترو قۇرىلىسىنداعى جىمقىرۋ ٸسٸ بويىنشا 10 ادام سوتتالدى

سۋرەت: inbusiness.kz

المالى اۋداندىق سوتى وڭتٷستٸك استاناداعى مەترو قۇرىلىسى كەزٸندە 5 ميلليارد تەڭگەدەن استام بيۋدجەت قاراجاتىن جىمقىردى دەپ ايىپتالعان 10 ادامعا قاتىستى ٷكٸم شىعاردى.

سوت تالقىلاۋى بارىسىندا ايىپتاۋ جاعى سوتتالۋشىلاردىڭ "مەتروپوليتەن" كمك, "الماتىمەتروقۇرىلىس" اق, "اۆتوماتتاندىرۋ جەنە تەحنولوگييالار قىزمەتٸ" جشس باسشىلارى بولا وتىرىپ, ادامدار توبىمەن, 2018 جىلدىڭ ماۋسىمىنان 2020 جىلدىڭ تامىزىنا دەيٸنگٸ كەزەڭدە "سارىارقا" جەنە "دوستىق" ستانتسييالارىن سالۋ بارىسىندا قارجىلىق الاياقتىقپەن, ونىڭ ٸشٸندە جابدىقتىڭ قۇنىن ارتتىرىپ (ٸس جٷزٸندە 10 ەسە), تۇراقتى تٷردە ٸرٸ كٶلەمدەگٸ اقشالاردى جالعان فيرمالار ارقىلى شىعارعانىن دەلەلدەدٸ.

"سوتتالعاندار مەملەكەتتٸك جەنە قارجى ۇيىمدارىندا جۇمىس ٸستەۋ قۇقىعىنان ايىرىلا وتىرىپ, ەرتٷرلٸ مەرزٸمگە باس بوستاندىعىنان ايىرىلدى (نەگٸزگٸ فيگۋرانتتار 7 جىلدان 8 جىلعا دەيٸن). سونىمەن قاتار, سوت 1 ملرد تەڭگەدەن استام سوماعا تىيىم سالىنعان مٷلٸكتٸ تەركٸلەۋدٸ قولدانىپ, مەملەكەتكە كەلتٸرٸلگەن شىعىندى ٶندٸردٸ", - دەلٸنگەن باس كٶلٸك پروكۋراتۋراسىنىڭ حابارىندا.