Búgin QR Ulttyq valiýta kúni qarsańynda QR Ulttyq bankinde túpnusqa banknotany qalai jalǵan aqshadan ajyratýǵa bolatyny túsindirdi, dep habarlaidy QazAqparat.
Bank ókilderiniń aitýynsha, el ishinde kóbinese 2011 jyly basylyp shyqqan nominaly 5000 teńge bolatyn banknotanyń jalǵan nusqalary jii kezdesedi.
Jalǵan teńge kompiýterlik tehnologiianyń kómegimen jasalady.
Aqshany ajyratý úshin birneshe erejeni bilý kerek.
1. Eń aldymen banknotany ustaǵanda, qaǵazdyń shyqyrlaqtyǵy basty belgi bolady. Aqshada arnaiy mór basylady. «Qazaq Eli» monýmentiniń beinesi tusynda relef bolady. Barlyq banknotada bul relefter kózi nashar kóretin zaǵip jandar úshin salynǵan.
2. Banknotanyń túsi anyq, aiqyn ári qanyq bolýy tiis. Jaryqqa qoiyp qaraǵanda sý belgisin, nominaldyń tsifrlyq beinesin kórýge bolady. Sonymen qatar, banknotanyń shetindegi magnittik jolaq bolýy tiis. Bul jolaq jaryqqa qaraǵanda tutas bop kórinýi kerek.
3. Nominaly 1000, 2000, 5000, 10 000 jáne 20 000 teńge bolatyn banknotalardy teris aýdarǵanda túsi qubylyp turatyn sýret bolady. Banknotany aýdaryp tóńkergende bul tús jasyldan altyn túske deiin qubylady. Osy belgilerdi 5 sekýnd ishinde anyqtap kórýge bolady. Bul azamattardy alaiaqtardyń qarmaǵyna túsip qalýdan qorǵaityn qarapaiym tásil.
