بٷگٸن قر ۇلتتىق ۆاليۋتا كٷنٸ قارساڭىندا قر ۇلتتىق بانكٸندە تٷپنۇسقا بانكنوتانى قالاي جالعان اقشادان اجىراتۋعا بولاتىنى تٷسٸندٸردٸ, دەپ حابارلايدى قازاقپارات.
بانك ٶكٸلدەرٸنٸڭ ايتۋىنشا, ەل ٸشٸندە كٶبٸنەسە 2011 جىلى باسىلىپ شىققان نومينالى 5000 تەڭگە بولاتىن بانكنوتانىڭ جالعان نۇسقالارى جيٸ كەزدەسەدٸ.
جالعان تەڭگە كومپيۋتەرلٸك تەحنولوگييانىڭ كٶمەگٸمەن جاسالادى.
اقشانى اجىراتۋ ٷشٸن بٸرنەشە ەرەجەنٸ بٸلۋ كەرەك.
1. ەڭ الدىمەن بانكنوتانى ۇستاعاندا, قاعازدىڭ شىقىرلاقتىعى باستى بەلگٸ بولادى. اقشادا ارنايى مٶر باسىلادى. «قازاق ەلٸ» مونۋمەنتٸنٸڭ بەينەسٸ تۇسىندا رەلەف بولادى. بارلىق بانكنوتادا بۇل رەلەفتەر كٶزٸ ناشار كٶرەتٸن زاعيپ جاندار ٷشٸن سالىنعان.
2. بانكنوتانىڭ تٷسٸ انىق, ايقىن ەرٸ قانىق بولۋى تيٸس. جارىققا قويىپ قاراعاندا سۋ بەلگٸسٸن, نومينالدىڭ تسيفرلىق بەينەسٸن كٶرۋگە بولادى. سونىمەن قاتار, بانكنوتانىڭ شەتٸندەگٸ ماگنيتتٸك جولاق بولۋى تيٸس. بۇل جولاق جارىققا قاراعاندا تۇتاس بوپ كٶرٸنۋٸ كەرەك.
3. نومينالى 1000, 2000, 5000, 10 000 جەنە 20 000 تەڭگە بولاتىن بانكنوتالاردى تەرٸس اۋدارعاندا تٷسٸ قۇبىلىپ تۇراتىن سۋرەت بولادى. بانكنوتانى اۋدارىپ تٶڭكەرگەندە بۇل تٷس جاسىلدان التىن تٷسكە دەيٸن قۇبىلادى. وسى بەلگٸلەردٸ 5 سەكۋند ٸشٸندە انىقتاپ كٶرۋگە بولادى. بۇل ازاماتتاردى الاياقتاردىڭ قارماعىنا تٷسٸپ قالۋدان قورعايتىن قاراپايىم تەسٸل.
