© Sputnik / Abzal Kaliev
Almaty oblysynyń sanitarlyq epidemiologtary Kólashy aýylynda bir otbasynyń ýlanýyna tunshyqtyrǵysh gaz (ýgarnyi gaz) sebep bolǵanyn málimdedi, dep habarlaidy Sputnik Qazaqstan.
Óńirdegi sanitarlyq-epidemiologiialyq baqylaý departamentiniń málimetinshe, sanitarlyq-epidemiologiialyq zertteýdiń nátijesinde turǵyn úidiń aýasynda 1,1-1,3 mg aralyǵynda tunshyqtyrǵysh gaz bolǵany anyqtaldy.
"Ýlanǵan adamdardyń qanynan tunshyqtyrǵysh gazdan ýlanǵanyn bildiretin karboksigemoglobin tabyldy. Zerthana málimeti negizinde "tunshyqtyrǵysh gazdyń ýly áseri" degen diagnoz qoiyldy", - dep habarlady oblystyq sanitarlyq-epidemiologiialyq baqylaý departamenti.
Vedomstvo tunshyqtyrǵysh gaz tússiz, dámsiz jáne iissiz bolatynyn habarlady.
Eske sala keteiik, 4 mamyrda Qarasai aýdanyna qarasty Kólashy aýylynda qaiǵyly oqiǵa boldy. Jeke úide bir otbasynyń 5 adamy belgisiz zattan ýlanyp óldi.
Er adam úide qaitys bolǵan, tórt bala anasymen birge aýrýhanaǵa tústi. Biraq dárigerler 38 jastaǵy áieldi ǵana aman alyp qaldy. Naýqas birneshe kún jansaqtaý bóliminde jatty. Qazir ol emhana bólimderiniń birine aýystyryldy. Jeksenbi kúni onyń kúieýi men tórt balasy jer qoinyna tapsyryldy.
