Qazaqstandyqtarǵa qol alyp amandasýdan bas tartyp, qazaqtyń kóneden qalǵan dástúri «iilip sálem berýdi» qaita jandandyrý usynyldy, dep habarlaidy QazAqparat.
Mundai usynysty S.Asfendiiarov atyndaǵy Qazaq Ulttyq ýniversitetiniń qurmetti professory, Qazaq taǵamtaný akademiiasynyń prezidenti Tóregeldi Sharmanov jasady. Áleýmettik jelide professordyń osyǵan qatysty videosy belsendi tarap jatyr.
«Qazaqtardyń buryn amandasý dástúri bolǵan – qolyn kókirekke qoiyp, iilip sálem salý. Al qair barlyǵy qol alysyp amandasady. Bul óte qaýipti. Ol adam qaidan shyqty? Al eger onyń qolyn almasań mensinbei ketkendei bolasyń. Al bul birinshi kezde gigienalyq tazalyq, densaýlyq kepili», - dedi Tóregeldi Sharmanov.
Aita ketý kerek, qazir kóptegen elde koronavirýstyń taralýynan soń qol alyp amandasýdy shektep jatyr.
Qytaida politsiia qyzmetkerleri arnaiy kezekshilikke shyǵyp, adamdarǵa dybys zoraitqysh arqyly qol alyspaýǵa keńes berip turady.
Al Frantsiiada bet súiisip amandasýdy azaityp jatyr. Qazir bul elde bir-biriniń júzine jyly qaraýdy jetkilikti sanap jatyr.
Juqpaly aýrýdyń taralýyn jedeldetetin dástúrlerden, sondai-aq Polsha, Jańa Zelandiia, Rýmyniia, Ispaniia, Braziliia elderinde de bas tartýda.
Aita ketý kerek, álemde koronavirýs juqtyrǵandar sany 90 myńnan asty, 3110 adam kóz jumdy. Bul týraly Dúniejúzilik densaýlyq saqtaý uiymynyń basshysy Tedros Gebrees málim etti.
Sońǵy 48 saǵatta Qytaidan tysqary jerde tirkelgen 1848 jaǵdaidyń 80% úsh elge tiesili: Iran, Italiia jáne Ońtústik Koreia.
