Kókjótel ásirese sábidiń ómiriniń alǵashqy ailarynda qaýipti. Sebebi bul kezeńde balanyń immýndyq júiesi áli tolyq qalyptasyp úlgermeidi. Sondyqtan náresteni infektsiiadan erte qorǵaý mańyzdy, dep habarlaidy ult.kz.
Mamandardyń aitýynsha, sábidi kókjótelden qorǵaý júktilik kezinde bastalady. Ana aǵzasyndaǵy qorǵanysh antideneler platsenta arqyly balaǵa beriledi. Al júktilik kezinde kókjótelge qarsy vaktsina alý anadaǵy antidenelerdiń deńgeiin arttyryp, náresteni ómiriniń alǵashqy, eń osal kezeńinde qorǵaýǵa múmkindik beredi.
Degenmen anadan beriletin immýndyq qorǵanys ýaqytsha bolady. Osyǵan bailanysty Qazaqstanda balalarǵa kókjótelge qarsy vaktsinatsiia 2 aidan bastap júrgiziledi. Balanyń Ulttyq egý kúntizbesinde belgilengen ekpelerin ýaqytynda alýy mańyzdy.
Sonymen qatar sábidiń ainalasyndaǵy adamdar da infektsiianyń aldyn alýǵa jaýapty. Kókjótel balaǵa ata-anasynan, aǵa-ápkelerinen nemese basqa jaqyn adamdarynan juǵýy múmkin.
Eresekterde infektsiia keide uzaqqa sozylǵan jótel túrinde ǵana baiqalýy yqtimal. Alaida kishkentai náreste úshin kókjóteldiń saldary aýyr bolýy múmkin.
Densaýlyq saqtaý ministrligi sábidi qorǵaýdyń negizgi joldary retinde ananyń júktilik kezinde ýaqtyly vaktsina alýy, balanyń egý kúntizbesine sáikes ekpe qabyldaýy jáne otbasy músheleriniń infektsiianyń aldyn alýǵa jaýapkershilikpen qaraýyn atap ótti.
Vedomstvo ata-analardy balalardyń josparly vaktsinatsiiasyn ýaqytynda alýǵa shaqyrdy.
