Memleket basshysynyń tapsyrmasymen kóktemgi egis jumystaryn qarjylandyrýǵa qosymsha 100 mlrd teńge bólindi. Bul týraly Ortalyq kommýnikatsiialar qyzmetinde ótken onlain baspasóz konferentsiiasynda aityldy, dep habarlaidy QazAqparat.
«Basty máseleniń biri – kóktemgi egis jumystaryn qarjylandyrý. Memleket basshysynyń tapsyrmasymen osy baǵytta qosymsha 100 mlrd teńge bólindi. Jalpy fermerlerdiń qarajatqa qoljetimdiligin qamtamasyz etý úshin arzandatylǵan syiaqy boiynsha qarjylandyrý jáne fermerlerdiń ónimderin forvardtyq satyp alý siiaqty quraldar qarastyrylǵan», - deidi QR Aýyl sharýashylyǵynyń birinshi vitse-ministri Aidarbek Saparov.
Ol birqatar máselege airyqsha toqtalyp ótti.
«Birinshi, kóktemgi dala jumystaryn qarjylandyrýǵa arnalǵan biýdjet qarajatynyń kólemi 10 mlrd teńgege ulǵaidy. Byltyr 60 mlrd teńge bolsa, biyl 70 mlrd teńge boldy. Nesie boiynsha paiyzdyq mólsherleme 7%-dan 5%-ǵa tómendedi. Negizgi faktilerge toqtap ótsek, bir sharýaǵa arnalǵan ortasha chek 30 mln-ǵa jýyq teńgeni quraidy. Sharýalar usynatyn qujattar tizbesi qysqartyldy. Zańdy tulǵalar úshin 27-den 13-ke deiin qysqardy. Sharýa qojalyqtary men kásipkerler úshin usynatyn qujattar tizimi 16-dan 12-ge deiin qysqardy», - deidi ol.
