Naryqtaǵy kenet tapshylyqtyń aldyn alý úshin 200 myń tonna kóleminde munai ónimderiniń rezervtik qory qurylmaq. Bul týraly QR Energetika ministri Bolat Aqsholaqov Úkimet otyrysynda aitty, dep habarlaidy QazAqparat.
Ministr óz sózinde munai óńdeý zaýyttarynyń óńdeý merzimi qysqartylatynyn aitty. Al naryqtaǵy kenet tapshylyqtyń aldyn alý úshin 200 myń tonna kóleminde munai ónimderiniń rezervtik qorlaryn qurý josparlanyp otyr.
«Munai óńdeý zaýyttaryndaǵy jóndeý jumystarynyń jáne aýyl sharýashylyǵy taýarlaryn óndirýshiler úshin dizel otynyn tiep-jóneltý merzimderin úilestirý kózdelip otyr. Iaǵni, aýyl sharýashylyǵy taýarlaryn óndirýshiler úshin dizel otynyn jóneltý aqpan aiynda, burynǵy merzimderden bir ai buryn bastalady», - dedi Bolat Aqsholaqov.
Vedomstvo basshysy munai bazalaryn esepke alý baqylaý aspaptarymen jaraqtandyrý jumystary aiaǵyna deiin jetkiziletinin aitty.
«Suiytylǵan gaz naryǵyndaǵy jaǵdaidy tolyq baqylaýdy qamtamasyz etý maqsatynda mynadai jedel sharalar qabyldandy:
Suiytylǵan munai gazyna ýaqytsha memlekettik baǵa retteý engizildi jáne litr úshin 50-75 teńge diapazonyna deiin tómendetýmen bólshek saýda baǵasy bekitildi.
Energetika ministrligi 2 buiryqty bekitti:
1) 2023 jylǵy 1 qańtarǵa deiin saýda-sattyq qaǵidalaryn toqtata turý boiynsha buiryq, oǵan sáikes Energetika ministrligi suiytylǵan gazdy elektrondyq saýda-sattyqtan tys ótkizetin bolady;
2) Básekelestikti qorǵaý jáne damytý agenttigi bekitken bólshek saýdadaǵy shekti baǵalarǵa sáikes keltirý úshin suiytylǵan munai gazynyń shekti kóterme baǵasyn tómendetý jónindegi buiryq.
Sondai-aq, búgingi kúni elektrondyq saýda alańdarynan tys ishki naryqqa suiytylǵan gazdy jetkizý josparyn qalyptastyrý qaǵidalaryna túzetýler engizý boiynsha buiryq ázirlendi.
