نارىقتاعى كەنەت تاپشىلىقتىڭ الدىن الۋ ٷشٸن 200 مىڭ توننا كٶلەمٸندە مۇناي ٶنٸمدەرٸنٸڭ رەزەرۆتٸك قورى قۇرىلماق. بۇل تۋرالى قر ەنەرگەتيكا مينيسترٸ بولات اقشولاقوۆ ٷكٸمەت وتىرىسىندا ايتتى, دەپ حابارلايدى قازاقپارات.
مينيستر ٶز سٶزٸندە مۇناي ٶڭدەۋ زاۋىتتارىنىڭ ٶڭدەۋ مەرزٸمٸ قىسقارتىلاتىنىن ايتتى. ال نارىقتاعى كەنەت تاپشىلىقتىڭ الدىن الۋ ٷشٸن 200 مىڭ توننا كٶلەمٸندە مۇناي ٶنٸمدەرٸنٸڭ رەزەرۆتٸك قورلارىن قۇرۋ جوسپارلانىپ وتىر.
«مۇناي ٶڭدەۋ زاۋىتتارىنداعى جٶندەۋ جۇمىستارىنىڭ جەنە اۋىل شارۋاشىلىعى تاۋارلارىن ٶندٸرۋشٸلەر ٷشٸن ديزەل وتىنىن تيەپ-جٶنەلتۋ مەرزٸمدەرٸن ٷيلەستٸرۋ كٶزدەلٸپ وتىر. ياعني, اۋىل شارۋاشىلىعى تاۋارلارىن ٶندٸرۋشٸلەر ٷشٸن ديزەل وتىنىن جٶنەلتۋ اقپان ايىندا, بۇرىنعى مەرزٸمدەردەن بٸر اي بۇرىن باستالادى», - دەدٸ بولات اقشولاقوۆ.
ۆەدومستۆو باسشىسى مۇناي بازالارىن ەسەپكە الۋ باقىلاۋ اسپاپتارىمەن جاراقتاندىرۋ جۇمىستارى اياعىنا دەيٸن جەتكٸزٸلەتٸنٸن ايتتى.
«سۇيىتىلعان گاز نارىعىنداعى جاعدايدى تولىق باقىلاۋدى قامتاماسىز ەتۋ ماقساتىندا مىناداي جەدەل شارالار قابىلداندى:
سۇيىتىلعان مۇناي گازىنا ۋاقىتشا مەملەكەتتٸك باعا رەتتەۋ ەنگٸزٸلدٸ جەنە ليتر ٷشٸن 50-75 تەڭگە دياپازونىنا دەيٸن تٶمەندەتۋمەن بٶلشەك ساۋدا باعاسى بەكٸتٸلدٸ.
ەنەرگەتيكا مينيسترلٸگٸ 2 بۇيرىقتى بەكٸتتٸ:
1) 2023 جىلعى 1 قاڭتارعا دەيٸن ساۋدا-ساتتىق قاعيدالارىن توقتاتا تۇرۋ بويىنشا بۇيرىق, وعان سەيكەس ەنەرگەتيكا مينيسترلٸگٸ سۇيىتىلعان گازدى ەلەكتروندىق ساۋدا-ساتتىقتان تىس ٶتكٸزەتٸن بولادى;
2) بەسەكەلەستٸكتٸ قورعاۋ جەنە دامىتۋ اگەنتتٸگٸ بەكٸتكەن بٶلشەك ساۋداداعى شەكتٸ باعالارعا سەيكەس كەلتٸرۋ ٷشٸن سۇيىتىلعان مۇناي گازىنىڭ شەكتٸ كٶتەرمە باعاسىن تٶمەندەتۋ جٶنٸندەگٸ بۇيرىق.
سونداي-اق, بٷگٸنگٸ كٷنٸ ەلەكتروندىق ساۋدا الاڭدارىنان تىس ٸشكٸ نارىققا سۇيىتىلعان گازدى جەتكٸزۋ جوسپارىن قالىپتاستىرۋ قاعيدالارىنا تٷزەتۋلەر ەنگٸزۋ بويىنشا بۇيرىق ەزٸرلەندٸ.
