Aýyl sharýashylyǵy ministrligi kóktemgi dala jumystary bastalǵanǵa deiin tehnikalardyń daiyndyǵyn 100 paiyzǵa jetkizýdi kózdep otyr, dep habarlaidy QazAqparat.
«Aýyl sharýashylyǵy tehnikasynyń ázirligi týraly aitar bolsaq, oblys ákimdikteriniń derekterine sáikes osy jyldyń 7 sáýirindegi jaǵdai boiynsha, kóktemgi dala jumystaryn júrgizýge aýylsharýashylyq tehnikasynyń daiyndyǵy 98 paiyzdy quraidy. Jumysty toqtatpaý úshin aýylsharýashylyq taýaryn óndirýshiler jóndeý brigadalaryn jasaqtady. Servistik kompaniialar olardyń kóshpeli servisti kúsheitýi boiynsha, sondai-aq qoimalardy qajetti qosalqy bólshektermen toltyrý jóninde tiisti jumystardy júrgizdi», - dedi Aýyl sharýashylyǵy vitse-ministri Aidarbek Saparov búgin Ortalyq kommýnikatsiialar qyzmetinde ótken onlain-baspasóz máslihatynda.
Aidarbek Saparovtyń aitýynsha, jumys bastalǵanǵa deiin tehnikalardy 100 paiyzdyq daiyndyqqa jetkizý kózdelgen.
«Kóktemgi egis jumystaryn ýaqytynda júrgizý úshin aqpan-maýsym ailaryna 387 myń tonna dizel otyny bólindi. 8 sáýirdegi jaǵdai boiynsha bekitilgen kestege sáikes 387 myń tonnanyń 119 myń tonnasyna sharttar jasalyp, onyń 103,4 myń tonnasy tieldi. Agroónerkásiptik kesheniniń sýbektilerin qoldaý boiynsha is-sharalardy júrgizý úshin «Agrarlyq nesie korporatsiiasy» AQ-ǵa respýblikalyq biýdjetten 70 mlrd teńge kóleminde biýdjettik nesie bóldi. Bul ádettegiden 10 mlrd teńgege artyq. Sońǵy qaryz alýshylar úshin syiaqy mólsherlemesi jyldyq 5 paiyzdan aspaidy», - deidi ol.
Vitse-ministrdiń málimetine sensek, qazirgi ýaqytta aýyl sharýashylyǵy taýaryn óndirýshilerdiń 54,4 mlrd teńge somasyna ótinimderi qarjylandyrylǵan.
