اۋىل شارۋاشىلىعى مينيسترلٸگٸ كٶكتەمگٸ دالا جۇمىستارى باستالعانعا دەيٸن تەحنيكالاردىڭ دايىندىعىن 100 پايىزعا جەتكٸزۋدٸ كٶزدەپ وتىر, دەپ حابارلايدى قازاقپارات.
«اۋىل شارۋاشىلىعى تەحنيكاسىنىڭ ەزٸرلٸگٸ تۋرالى ايتار بولساق, وبلىس ەكٸمدٸكتەرٸنٸڭ دەرەكتەرٸنە سەيكەس وسى جىلدىڭ 7 سەۋٸرٸندەگٸ جاعداي بويىنشا, كٶكتەمگٸ دالا جۇمىستارىن جٷرگٸزۋگە اۋىلشارۋاشىلىق تەحنيكاسىنىڭ دايىندىعى 98 پايىزدى قۇرايدى. جۇمىستى توقتاتپاۋ ٷشٸن اۋىلشارۋاشىلىق تاۋارىن ٶندٸرۋشٸلەر جٶندەۋ بريگادالارىن جاساقتادى. سەرۆيستٸك كومپانييالار ولاردىڭ كٶشپەلٸ سەرۆيستٸ كٷشەيتۋٸ بويىنشا, سونداي-اق قويمالاردى قاجەتتٸ قوسالقى بٶلشەكتەرمەن تولتىرۋ جٶنٸندە تيٸستٸ جۇمىستاردى جٷرگٸزدٸ», - دەدٸ اۋىل شارۋاشىلىعى ۆيتسە-مينيسترٸ ايداربەك ساپاروۆ بٷگٸن ورتالىق كوممۋنيكاتسييالار قىزمەتٸندە ٶتكەن ونلاين-باسپاسٶز مەسليحاتىندا.
ايداربەك ساپاروۆتىڭ ايتۋىنشا, جۇمىس باستالعانعا دەيٸن تەحنيكالاردى 100 پايىزدىق دايىندىققا جەتكٸزۋ كٶزدەلگەن.
«كٶكتەمگٸ ەگٸس جۇمىستارىن ۋاقىتىندا جٷرگٸزۋ ٷشٸن اقپان-ماۋسىم ايلارىنا 387 مىڭ توننا ديزەل وتىنى بٶلٸندٸ. 8 سەۋٸردەگٸ جاعداي بويىنشا بەكٸتٸلگەن كەستەگە سەيكەس 387 مىڭ توننانىڭ 119 مىڭ تونناسىنا شارتتار جاسالىپ, ونىڭ 103,4 مىڭ تونناسى تيەلدٸ. اگروٶنەركەسٸپتٸك كەشەنٸنٸڭ سۋبەكتٸلەرٸن قولداۋ بويىنشا ٸس-شارالاردى جٷرگٸزۋ ٷشٸن «اگرارلىق نەسيە كورپوراتسيياسى» اق-عا رەسپۋبليكالىق بيۋدجەتتەن 70 ملرد تەڭگە كٶلەمٸندە بيۋدجەتتٸك نەسيە بٶلدٸ. بۇل ەدەتتەگٸدەن 10 ملرد تەڭگەگە ارتىق. سوڭعى قارىز الۋشىلار ٷشٸن سىياقى مٶلشەرلەمەسٸ جىلدىق 5 پايىزدان اسپايدى», - دەيدٸ ول.
ۆيتسە-مينيستردٸڭ مەلٸمەتٸنە سەنسەك, قازٸرگٸ ۋاقىتتا اۋىل شارۋاشىلىعى تاۋارىن ٶندٸرۋشٸلەردٸڭ 54,4 ملرد تەڭگە سوماسىنا ٶتٸنٸمدەرٸ قارجىلاندىرىلعان.
