QR Indýstriia jáne infraqurylymdyq damý ministrligi respýblikalyq mańyzy bar joldardy sý tasqyny kezeńine daiyndaý barysynda qaýiptiń aldyn alý jáne joiý maqsatynda is-sharalar josparyn bekitti.
Ortalyq jáne óńirlik deńgeide jol qyzmetteri ókilderinen turatyn komissiialar quryldy, dep habarlaidy "Ult aqparat" vedomstvonyń baspasóz qyzmetine silteme jasap.
Avtojoldar
Elimiz boiynsha avtojoldar infraqurylymyna 1298 kópir jáne 15070 sý ótkizý qubyry kiredi. 482 qaýipti ýchaske, 59 kópir jáne 739 sý ótkizý qubyry baqylaýǵa alyndy. Olarǵa 883 jol-paidalaný tehnikasy bekitildi. Táýlik boiy kezekshilik uiymdastyryldy.
Avtojoldar men joldardaǵy ǵimarattar kúndelikti tekserilip turady. Sý ótkizý qubyrlary men kópir astyndaǵy arnalar qardan tazartyla bastady.
Sý tasqynyna qarsy jumystardy ýaqytyly uiymdastyrý úshin qajetti materialdar: 7,8 myń m3 qum, 12,2 myń m3 tas, 14,7 myń m3 qiyrshyq tas, 52,6 myń qap, 679 tonna JJM jáne 124 temirbeton qubyrlar daiyndaldy.
Mundai is-sharalar avtojoldardy ustaýǵa bólingen qarajat arqyly iske asyrylady.
Temir jol tósemi
Poezdardyń úzdiksiz jáne qaýipsiz júrýin, joldy, ǵimarattardy ýaqtyly daiyndaý maqsatynda «QTJ» ulttyq kompaniiasy aýmaqtyq uiymdarmen jáne tótenshe jaǵdailar jónindegi oblystyq bólimshelermen birlesip, sý qoimalary men agrotehnikalyq bógetterdiń jai-kúiin tekserýde. Kópirler, qubyrlar jáne drenajdy qudyqtardyń tesikterin qardan tazalaý, taý jáne sý burǵysh aryqtardy, naýalar men kiývetterdi ashý jumystary bastaldy.
Tasqyn sýdyń ótýi kezinde táýlik boiy kezekshilik uiymdastyrylyp, qosymsha baqylaý jasalatyn 673 qaýipti orynnyń (qubyrlar, kópirler, jerjol) tizbesi anyqtaldy.
Keste boiynsha být tastar, relsti paketter, temirbeton shpaldar tielgen 45 poezd (328 vagonnan) jasaqtaldy. Arnaiy tehnikalary (krandar, traktorlar jáne býldozerler) bar 84 qalpyna keltirý jáne órt sóndirý poiyzy da daiyn tur. 61 myń adamdy evakýatsiialaý úshin 1713 lokomotiv jáne 1 603 vagon daiyndaldy. Tehnika men materialdardyń ázirligi -100%.
2021-2023 jyldarǵa arnalǵan sý tasqyny qaýpiniń aldyn alý jáne joiý jónindegi keshendi is-sharalar aiasynda QR IIDM Qaraǵandy oblysynyń «Kókpekti-Qaraǵaily» ýchaskesinde Qarasor kólin ainalyp ótetin temirjol salý kózdelgen. Qazirgi ýaqytta atalǵan joba QR Ulttyq ekonomika ministrliginde ekonomikalyq saraptamadan ótýde.
