قر يندۋسترييا جەنە ينفراقۇرىلىمدىق دامۋ مينيسترلٸگٸ رەسپۋبليكالىق ماڭىزى بار جولداردى سۋ تاسقىنى كەزەڭٸنە دايىنداۋ بارىسىندا قاۋٸپتٸڭ الدىن الۋ جەنە جويۋ ماقساتىندا ٸس-شارالار جوسپارىن بەكٸتتٸ.
ورتالىق جەنە ٶڭٸرلٸك دەڭگەيدە جول قىزمەتتەرٸ ٶكٸلدەرٸنەن تۇراتىن كوميسسييالار قۇرىلدى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
اۆتوجولدار
ەلٸمٸز بويىنشا اۆتوجولدار ينفراقۇرىلىمىنا 1298 كٶپٸر جەنە 15070 سۋ ٶتكٸزۋ قۇبىرى كٸرەدٸ. 482 قاۋٸپتٸ ۋچاسكە, 59 كٶپٸر جەنە 739 سۋ ٶتكٸزۋ قۇبىرى باقىلاۋعا الىندى. ولارعا 883 جول-پايدالانۋ تەحنيكاسى بەكٸتٸلدٸ. تەۋلٸك بويى كەزەكشٸلٸك ۇيىمداستىرىلدى.
اۆتوجولدار مەن جولدارداعى عيماراتتار كٷندەلٸكتٸ تەكسەرٸلٸپ تۇرادى. سۋ ٶتكٸزۋ قۇبىرلارى مەن كٶپٸر استىنداعى ارنالار قاردان تازارتىلا باستادى.
سۋ تاسقىنىنا قارسى جۇمىستاردى ۋاقىتىلى ۇيىمداستىرۋ ٷشٸن قاجەتتٸ ماتەريالدار: 7,8 مىڭ م3 قۇم, 12,2 مىڭ م3 تاس, 14,7 مىڭ م3 قيىرشىق تاس, 52,6 مىڭ قاپ, 679 توننا ججم جەنە 124 تەمٸربەتون قۇبىرلار دايىندالدى.
مۇنداي ٸس-شارالار اۆتوجولداردى ۇستاۋعا بٶلٸنگەن قاراجات ارقىلى ٸسكە اسىرىلادى.
تەمٸر جول تٶسەمٸ
پوەزداردىڭ ٷزدٸكسٸز جەنە قاۋٸپسٸز جٷرۋٸن, جولدى, عيماراتتاردى ۋاقتىلى دايىنداۋ ماقساتىندا «قتج» ۇلتتىق كومپانيياسى اۋماقتىق ۇيىمدارمەن جەنە تٶتەنشە جاعدايلار جٶنٸندەگٸ وبلىستىق بٶلٸمشەلەرمەن بٸرلەسٸپ, سۋ قويمالارى مەن اگروتەحنيكالىق بٶگەتتەردٸڭ جاي-كٷيٸن تەكسەرۋدە. كٶپٸرلەر, قۇبىرلار جەنە درەناجدى قۇدىقتاردىڭ تەسٸكتەرٸن قاردان تازالاۋ, تاۋ جەنە سۋ بۇرعىش ارىقتاردى, ناۋالار مەن كيۋۆەتتەردٸ اشۋ جۇمىستارى باستالدى.
تاسقىن سۋدىڭ ٶتۋٸ كەزٸندە تەۋلٸك بويى كەزەكشٸلٸك ۇيىمداستىرىلىپ, قوسىمشا باقىلاۋ جاسالاتىن 673 قاۋٸپتٸ ورىننىڭ (قۇبىرلار, كٶپٸرلەر, جەرجول) تٸزبەسٸ انىقتالدى.
كەستە بويىنشا بۋت تاستار, رەلستٸ پاكەتتەر, تەمٸربەتون شپالدار تيەلگەن 45 پوەزد (328 ۆاگوننان) جاساقتالدى. ارنايى تەحنيكالارى (كراندار, تراكتورلار جەنە بۋلدوزەرلەر) بار 84 قالپىنا كەلتٸرۋ جەنە ٶرت سٶندٸرۋ پويىزى دا دايىن تۇر. 61 مىڭ ادامدى ەۆاكۋاتسييالاۋ ٷشٸن 1713 لوكوموتيۆ جەنە 1 603 ۆاگون دايىندالدى. تەحنيكا مەن ماتەريالداردىڭ ەزٸرلٸگٸ -100%.
2021-2023 جىلدارعا ارنالعان سۋ تاسقىنى قاۋپٸنٸڭ الدىن الۋ جەنە جويۋ جٶنٸندەگٸ كەشەندٸ ٸس-شارالار اياسىندا قر ييدم قاراعاندى وبلىسىنىڭ «كٶكپەكتٸ-قاراعايلى» ۋچاسكەسٸندە قاراسور كٶلٸن اينالىپ ٶتەتٸن تەمٸرجول سالۋ كٶزدەلگەن. قازٸرگٸ ۋاقىتتا اتالعان جوبا قر ۇلتتىق ەكونوميكا مينيسترلٸگٸندە ەكونوميكالىق ساراپتامادان ٶتۋدە.
