Shyǵys Qazaqstan oblysynda «Óskemen-Semei» tasjolynyń 10-198 shaqyrymy jabylyp, «Omby-Maiqapshaǵai» tasjolynda kólik qozǵalysy shekteldi, dep habarlaidy QazAqparat.
ShQO tótenshe jaǵdailar departamenti baspasóz qyzmetiniń málimetine súiensek, búgin saǵat 06.30-dan bastap óńir boiynsha aýa raiynyń nasharlaýyna, naqty aitqanda jańbyr jaýyp, kóktaiǵaq bolýyna bailanysty jol jabyldy.
«Respýblikalyq mańyzy bar «Óskemen-Semei» tasjolynyń 10-198 shaqyrymynda (Gerasimovka aýyly men Semei qalasynyń arasy) avtokóliktiń barlyq túrine júrýge tyiym salyndy. Sondai-aq respýblikalyq mańyzdaǵy «Omby-Maiqapshaǵai» tasjolynyń 756-906 shaqyrymynda (Semei qalasy men Qalbataý aýylynyń arasy) tirkemesi bar júk kólikteriniń jáne avtobýstardyń qozǵalysy shekteldi», - delingen aqparatta.
Osy rette departament mamandary turǵyndarǵa alys saparǵa shyqpaýǵa, joldardyń jai-kúiin «Dármen» mobildi qosymshasy arqyly tekserip otyrýǵa keńes beredi.
