«Qazgidromet» mamandary 25 qarashaǵa arnalǵan aýa raiy boljamyn jariialady, dep habarlaidy QazAqparat.
25 qarashada aýa aǵyndarynyń áserinen respýblikanyń basym bóliginde aýa raiy qubylmaly bolady, kúndiz eldiń ońtústik-shyǵysyndaǵy taýly aýmaqtarda jáne shyǵysynda qatty jaýyn-shashyn (jańbyr, qar) bolady. Tek QR batysynda antitsiklon jotasynyń áserinen kún ashyq bolýy yqtimal. Respýblikanyń basym bóliginde kóktaiǵaq, burqasyn, jeldiń kúsheiýi kútiledi. Elimizdiń batys jartysynda, ortalyǵynda tuman kútiledi.
Kúndiz Túrkistan oblysynyń soltústiginde, batysynda shańdy daýyl turady, túnde taýly aýdandarda - jel 15-20 m/s, kúndiz – 15-20, taýly aýdandarda ekpini 23-28 m/s kúsheiedi.
Shyǵys Qazaqstan oblysynyń soltústiginde burqasyn, joldarda kóktaiǵaq, oblystyń soltústiginde, batysynda 15-20, ekpini 25 m/s jetedi.
Qaraǵandy oblysynyń soltústiginde, batysynda, shyǵysynda jaiaý burqasyn, kóktaiǵaq, oblystyń ońtústiginde tuman, shyǵysynda, ortalyǵynda jel 15-20, ekpini 23 m/s kúsheiedi.
Jambyl oblysynyń soltústik-shyǵysynda, ońtústik-batysynda jáne taýly aýdandarynda jeldiń jyldamdyǵy 15-20, kúndiz ekpini 23-28 m/s bolady.
Pavlodar oblysynyń soltústiginde, shyǵysynda jaiaý burqasyn, kóktaiǵaq, oblystyń ońtústiginde, shyǵysynda jeldiń jyldamdyǵy 15-20 m/s jetedi.
Qyzylorda oblysynyń soltústiginde, ortalyǵynda, túnde Mańǵystaýdyń batysynda, kúndiz Aqmola oblysynyń shyǵysynda, Almaty oblysynyń soltústiginde, soltústik-batysynda, Batys Qazaqstan oblysynyń soltústik-batysynda jel turady, jyldamdyǵy - 15-20 m/s.
Sondai-aq Aqmola oblysynyń ońtústik – shyǵysynda jaiaý burqasyn bolady, kóktaiǵaq, Mańǵystaý oblysynyń soltústiginde, soltústik – batysynda kóktaiǵaq, tuman, Qyzylorda oblysynyń soltústiginde kóktaiǵaq kútiledi. Qostanai oblysynyń ońtústiginde, shyǵysynda tuman, kóktaiǵaq.
Aqtóbe oblysynyń ońtústiginde kóktaiǵaq bolady. Atyraý oblysynyń batysynda tuman túsedi.
