Elorda ákimdigi Kóktal-1 turǵyn alabynda gaz berý tolyq qalpyna kelgenin habarlady.
"Saǵat 17:00-degi jaǵdai boiynsha Kóktal-1 turǵyn alabynyń barlyq abonentine gaz berý tolyq qalpyna keltirildi.
"QazTransGaz Aimaq" AQ avariialyq brigadasy jóndeý-qalpyna keltirý jumystaryn aiaqtady. Barlyq úsh gaz rettegish pýnkt shkaftary shtattyq rejimde jumys isteidi" - delingen ákimdiktiń resmi saitynda.
Esterińizge sala keteiik, "Kóktal-1" turǵyn alabynyń abonentteri úshin gaz berý 28 qarasha saǵat 18:40-ta "GAZOVIK" JShS injiniringtik kompaniiasynyń kelisilmegen jer jumystaryn júrgizýine bailanysty ortasha qysymdy gaz qubyry zaqymdanǵannan keiin toqtatylǵan.
Gaz qubyryn jóndeý kezinde "Saryarqa" aýdany ákiminiń apparaty janynan qurylǵan shtab 50 abonentke kómir tasymaldaýdy uiymdastyrdy.
