Kókshetaýdaǵy irgeli kásiporyn – «Tynys» aktsionerlik qoǵamy koronavirýs infektsiiasymen kúreste aýadai qajet qazirgi zamanǵy «Kókshetaý 4P» jasandy tynys alý apparatyn shyǵaryp jatyr, dep habarlaidy "Ult aqparat" qala ákimdigine silteme jasap.
Zaýyt basshylyǵynyń málimetinshe, zaýytta qazirgi zamanǵy «Kókshetaý 4P» ókpeni jasandy jeldetý apparatynyń 800 danasy shyǵarylypty. Ókpeni ottegi-aýa qospasymen jasandy jeldetýge arnalǵan apparat jedel járdem kólikterinde, oqiǵa ornynda, hirýrgiia bólimderinde, jansaqtaý jáne intensivti terapiiada qoldanylyp keledi. Respýblika boiynsha oblystarǵa osyndai apparattyń 500-den astam danasy jóneltilgen.
«Aqmola oblysy boiynsha 60 jasandy jeldetý apparaty jetkizildi, olardyń ishinde 17 apparat oblystyq densaýlyq saqtaý basqarmasyna qaiyrymdylyq kómek retinde tabys etildi. Zaýytta jasandy tynys alý apparattary jańartylyp, negizgi jinaqtaýshy komplektileri ázirlenýde. Zaýytqa áli de meditsinalyq mekemeler men jeke tulǵalardan tapsyrystar túsýde», - deidi qala ákimdigindegiler.
«Jasandy tynys alý apparattary jańartylyp, negizgi jinaqtaýshy komplektileri ázirlenýde. Sondai-aq kásiporynda 200 daiyn komplektiler bar. Zaýytqa áli de meditsinalyq mekemeler men jeke tulǵalardan tapsyrystar túsýde», - deidi qala ákimdigindegiler.
Aita keteiik, sońǵy kezderi zaýytta negizgi jumystardan bólek, koronavirýs infektsiiasymen kúresý úshin qajetti «Kókshetaý 4P» jasandy tynys alý apparaty, meditsinalyq maska, qorǵanys kiimderi shyǵarylyp jatyr.
