Áleýmettik jelide Kókshetaýdaǵy iri saýda oryndarynda jurttyń jappai qant satyp alyp jatqany týraly video tarady. Osyǵan bailanysty Aqmola oblysynyń Kásipkerlik jáne týrizm basqarmasy túsinik berdi, dep habarlaidy QazAqparat.
«Aqmola oblysynyń Kásipkerlik jáne týrizm basqarmasy qazirgi ýaqytta kóterme saýdaǵa «Taraz qant zaýyty» JShS-de óndirilgen qant túsip jatqandyǵyn habarlaidy. Onda búgingi kúni satý baǵasy 1 kelisi úshin 390 teńgeni quraidy.
Sondai-aq kóterme saýda qoimalary men bólshek saýda kásiporyndarynda qant pen basqa da taýarlardyń jetkilikti mólsheri bar, qorlardy toltyrý aǵymdaǵy rejimde júrgiziledi. Óńirlik turaqtandyrý qoryn qalyptastyrý úshin «Azyq-túlik kelisim shart korporatsiiasy» UK» AQ qant satyp alý jumystaryn júrgizýde, osy aptada 100 tonna qant tústi.
Budan basqa, «KOKSHE-MARKET» áleýmettik dúkenderinde buryn satyp alynǵan (qalǵan 20 tonna) qant 1 kelisi 320 teńge baǵada satylyp jatyr (alypsatarlyqqa jol bermeý maqsatynda qantty bir qolǵa jiberý kólemi boiynsha shekteý belgilenedi)», - dep túsindirdi Aqmola oblysynyń Kásipkerlik jáne týrizm basqarmasynan.
Sonymen birge basqarma basshylyǵy azamattardan arańdatýshylyq habarlamalarǵa boi aldyrmaýdy jáne dúrlikpe jasamaýdy suraidy.
Aita ketsek, áleýmettik jelilerde Kókshetaý qalasyndaǵy iri saýda jelilerinde jurttyń jappai qant satyp alyp jatqyny týraly aqparat taraǵan edi. Beinejazbadan adamdardyń dúken sórelerindegi qantqa talasyp jatqanyn kórýge bolady.
