Kókshetaýda túngi klýb janynda tóbeles boldy. Oǵan qatysqandardy jergilikti politsiia beinebaqylaý kameralary arqyly anyqtady, dep habarlady Sputnik Qazaqstan agenttigiPolisia.kzsaityna silteme jasap.
Oqiǵa 10 sáýirge qaraǵan túni bolǵan. Videodaǵy jazbaǵa sáikes, tórt jigit arasynda tóbeles shyqqan.
Jedel basqarý ortalyǵynyń qyzmetkerleri túngi saǵat 03.15 shamasynda Kókshetaý qalasynda oiyn-saýyq mekemesiniń mańynda tóbeles shyqqanyn anyqtap, aqparatty jaqyn mańdaǵy politsiia qyzmetkerlerine joldanǵan.
Oqiǵa ornyna dereý kelgen politsiia tóbeleske qatysqan eki adamdy ustady. Olar túngi klýbtyń qyzmetkeri ekeni anyqtaldy. Taǵy eki adam avtokólikke otyryp, oqiǵa ornynan qashyp ketti.
Olar oblys ortalyǵyndaǵy kóshelerdiń birinde ustaldy.
"Ustalǵan tórt adam meditsinalyq kýálandyrýǵa jiberilip, odan ári tekserý úshin Kókshetaý qalasynyń politsiia basqarmasyna jetkizildi. Tóbelestiń shyǵýyna mekemege kelgen 26 jastaǵy qonaq pen 1997 jáne 1998 jyly týǵan mekeme qyzmetkerleri arasynda týyndaǵan janjal sebep bolǵan", - delingen politsiia taratqan aqparatta.
Atalǵan fakt boiynsha qylmystyq kodekstiń 293-baby 2-bóligi "buzaqylyq" boiynsha sotqa deiingi is júrgizý bastaldy.
