Kókshetaýda jol politsiiasynyń qyzmetkeri qurylysy salynyp bitpegen ǵimarattan sekirip kóz jumbaq bolǵan eki boijetkenniń ómirine arasha tústi, dep habarlaidy "Ult aqparat" Aqmola oblystyq PD baspasóz qyzmetine silteme jasap.
Vedomstvonyń málimetinshe, oqiǵa 20 sáýir túngi saǵat 23:45 bolǵan. Omby baǵytyndaǵy kúre joldyń boiyndaǵy qurylysy salynyp bitpegen ǵimarattan belgisiz qyzdar sekirmekshi bolǵan.
«Aitylǵan jerge birden Kókshetaý qalalyq Politsiia basqarmasy bastyǵynyń orynbasary politsiia polkovnigi Aibek Balǵojin bastaǵan «Ásker-6» avtopatrýliniń ekipajy politsiianyń aǵa leitenatty Ashat Orazǵaliev jáne aǵa serjant Altynbek Tákenov jetti. Tártip saqshylary qyzdardy sabyrǵa shaqyryp, raiynan qaitarýǵa tyrysty. Anyqtalǵandai, sýitsid jasamaqshy bolǵan qyzdar kókshetaýlyq masań kúide turǵan. Jastary 22 jáne 19 jastaǵy qyzdar ata-anasy jáne jigitterimen urysyp qalǵan. Ekeýi de emdeý mekemesine jetkizildi», - dedi vedomstvodan.
