Kókshetaýdaǵy kópqabatty úiden 27 adam evakýatsiialandy, dep habarlaidy "Ult aqparat".
Aqmola media ortalyǵynyń málimetine sensek, búgin, 4 tamyz kúni Pýshkin kóshesindegi kópqabatty úidiń 27 turǵyny birinshi qabattaǵy dúkendegi órtten evakýatsiialandy.
Órttiń aldyn ala sebebi - tońazytqysh qondyrǵylarynyń qysqa tuiyqtalýy.
Tańǵy 04.28 kezinde Aqmola oblysy jedel basqarý ortalyǵynyń pýltine joǵaryda kórsetilgen mekenjaida órt shyqqany týraly habarlama kelip tústi.
Shaqyrý ornyna dereý órt sóndirý qyzmetiniń kúsh-quraldary jiberildi.
Shaqyrý ornyna kelgen soń aqparat rastaldy.
Baspaldaq marshymen 27 adam, onyń ishinde 6 bala evakýatsiialandy.
Órt 20 minýt ishinde sóndirildi. Qaza bolǵandar men zardap shekkender joq.
Órttiń shyǵý sebebi anyqtalyp jatyr. TJD 10 qyzmetkeri men 2 tehnikasy shyqty.
Aqmola TJD oblys turǵyndary men qonaqtaryna órt qaýipsizdigi erejelerin saqtaýdy eskertedi.
