كٶكشەتاۋداعى كٶپقاباتتى ٷيدەن 27 ادام ەۆاكۋاتسييالاندى, دەپ حابارلايدى "ۇلت اقپارات".
اقمولا مەديا ورتالىعىنىڭ مەلٸمەتٸنە سەنسەك, بٷگٸن, 4 تامىز كٷنٸ پۋشكين كٶشەسٸندەگٸ كٶپقاباتتى ٷيدٸڭ 27 تۇرعىنى بٸرٸنشٸ قاباتتاعى دٷكەندەگٸ ٶرتتەن ەۆاكۋاتسييالاندى.
ٶرتتٸڭ الدىن الا سەبەبٸ - توڭازىتقىش قوندىرعىلارىنىڭ قىسقا تۇيىقتالۋى.
تاڭعى 04.28 كەزٸندە اقمولا وبلىسى جەدەل باسقارۋ ورتالىعىنىڭ پۋلتٸنە جوعارىدا كٶرسەتٸلگەن مەكەنجايدا ٶرت شىققانى تۋرالى حابارلاما كەلٸپ تٷستٸ.
شاقىرۋ ورنىنا دەرەۋ ٶرت سٶندٸرۋ قىزمەتٸنٸڭ كٷش-قۇرالدارى جٸبەرٸلدٸ.
شاقىرۋ ورنىنا كەلگەن سوڭ اقپارات راستالدى.
باسپالداق مارشىمەن 27 ادام, ونىڭ ٸشٸندە 6 بالا ەۆاكۋاتسييالاندى.
ٶرت 20 مينۋت ٸشٸندە سٶندٸرٸلدٸ. قازا بولعاندار مەن زارداپ شەككەندەر جوق.
ٶرتتٸڭ شىعۋ سەبەبٸ انىقتالىپ جاتىر. تجد 10 قىزمەتكەرٸ مەن 2 تەحنيكاسى شىقتى.
اقمولا تجد وبلىس تۇرعىندارى مەن قوناقتارىنا ٶرت قاۋٸپسٸزدٸگٸ ەرەجەلەرٸن ساقتاۋدى ەسكەرتەدٸ.
