Aqmola oblysynyń ákimi Marat Ahmetjanov Kókshetaý qalasynda nekelesý kúni áldekimder óltirip ketken 22 jastaǵy Dias Sákenovtyń ólimine qatysty jaǵdaiǵa túsinikteme berdi. Bul týraly Stan.kz aqparat agenttigine silteme jasap ult.kz habarlaidy.
foto video kadrdan alyndy
12 qarashada jas jubailar nekelesý kúni Kókshetaýdaǵy oiyn-saýyq oryndarynyń birinde júrgeninde kúieýin óltirip áldekimder óltirip ketken. Mekeme basshysynyń aitýynsha, oqiǵa kezinde eshkim áreket etip úlgere almai qalǵan.
“Beinebaqylaý kameralarynan qarap shynymen, oqiǵanyń óte tez bolǵanyn uqtyq. Bári 1,5 minýtta bolǵan. Jigitter birge áńgimelesip, kúilip-oinap otyrǵan. Tipti syrttarynan qarap, bir-birine qas dep te oilamaisyń”, – dedi oqiǵa bolǵan mekeme basshylyǵy.
"Qylmystyq is sheńberinde mekeme basshylyǵy tarapynan qandai olqylyqtar bolǵanyna quqyqtyq baǵa beriletin bolady. Iaǵni, kúzet qaida boldy, nege quqyq qorǵaý organdaryna ýaqtyly habarlanbady jáne t.b.", - dedi Ahmetjanov.
Osy jaittan soń óńir ákimi barlyq oiyn-saýyq mekemelerine azamattardyń qaýipsiz demalýy úshin belgili bir talaptar qoiylatynyn atap ótti. Birinshi kezekte – bul beinebaqylaý jáne litsenziialanǵan kúzettiń bolýy. Endi qala boiynsha mundai talaptarǵa sai kelmeitin mekemeler anyqtalyp, olardyń tizimi jasalady eken. Qoldanystaǵy zańnamaǵa sáikes talapty buzǵandarǵa ákimshilik nemese ózge de jazalar qoldanylatyn bolady.
Eske salsaq, Kókshetaýda áldekimder 22 jastaǵy jigitti nekelesý kúninde óltirip ketkeni týraly habarlaǵan bolatynbyz.
